Abu Hanifah

Imam Abu Hanifah
أَبُو حَنِيفَة
Makam Abu Hanifah di Irak.
Citakan:Infobox officeholder/office Citakan:Infobox officeholder/office
Gelar	Al-Imam al-A'dzam Siraj al-A'imma
Pribadi
Gumelar	80 H / 699 M
Pupus	150 H / 767 M Baghdad, Irak
Agama	Islam
Zaman	Umayyah – Abbasiyah
Denominasi	Sunni
Mazhab	Madhab Hanafi
Katarikan utama	Fikih, Akidah, Zuhud
Karya kasohor	Al-Fiqh al-Akbar
Pagawéan	Ulama, Fakih
Jabatan senior
Kapangaruh ku Daptar Guru Hammad bin Abi Sulaiman Atha bin Abi Rabah Muhammad al-Baqir Ja'far ash-Shadiq
Mangaruhan Daptar Murid Abu Yusuf Muhammad asy-Syaibani Asy-Syafi'i

Abu Hanifah (basa Arab: أبو حنيفة) atanapi nami lengkepna Nu’man bin Tsabit bin Zuta bin Marzuban (lahir 699 M – pupus 767 M) mangrupikeun saurang ulama agung, ahli fikih, sarta pangadeg Madhab Hanafi. Anjeunna katelah ku gelar Al-Imam al-A'dzam (Imam nu Pangagungna) kusabab jasa-jasana anu kacida badagna dina nyusun hukum Islam dumasar kana akal sarta wahyu..

Kasang Tukang

Abu Hanifah lahir di kota Kufah, Irak, dina mangsa kakawasaan Dinasti Umayyah. Anjeunna asalna tina kulawarga katurunan Pérsia anu jegud. Sateuacan janten ulama, anjeunna téh saurang padagang sutra anu jujur sarta suksés. Pergaulanana di pasar méré anjeunna wawasan anu jembar ngeunaan pasualan sosial sarta ékonomi anu engkéna mangaruhan kana pamikiran hukum (ijtihad) anjeunna.

Atikan sarta Guru

Abu Hanifah guguru ka seueur ulama, nanging guruna anu paling utama nyaéta Hammad bin Abi Sulaiman. Salaku saurang anu hirup dina jaman Tabi'in, Abu Hanifah ogé kantos pendak sareng sababaraha sahabat Nabi, anu ngajantenkeun anjeunna janten salasahiji bagian tina generasi Atba'ut Tabi'in anu mulya.

Madhab Hanafi

Madhab anu diadegkeun ku anjeunna, nyaéta Madhab Hanafi, miboga ciri has nyaéta:

• Ngagunakeun akal (ra'yi) sarta analogi (qiyas) sacara proporsional.
• Merhatikeun adat kabiasaan masyarakat (urf) salami henteu papalingpang sareng syariat.
• Sipatna nu leuwih fléksibel sarta jembar, sahingga ieu madhab seueur dianut di wilayah Turki Usmani, Asia Tengah, sarta anak benua India.

Karya sarta Murid

Sanaos Abu Hanifah henteu nyerat seueur buku sacara langsung, pamikiranana dibukukeun ku murid-muridna anu satia, saperti:

• Abu Yusuf (Hakim Agung munggaran dina Islam).
• Muhammad asy-Syaibani.

Salah sahiji kitab anu dikaitkeun ka anjeunna nyaéta Al-Fiqh al-Akbar anu ngabahas ngeunaan akidah.

Ahir Hayat

Abu Hanifah pupus di Baghdad dina taun 150 H. Anjeunna pupus dina kaayaan anu mulya sanajan kantos dipenjara ku pangawasa harita kusabab nolak diangkat janten hakim (qadi), jalaran anjeunna hoyong ngajaga kamandirian sarta kasucian élmuna tina pangaruh pulitik.