Apple Inc.
 |
Artikel atawa bagian artikel ieu butuh leuwih loba réferénsi sangkan pasti. Mangga bantos ngédit artikel ieu kalawan nambihkeun réferénsi. Tag ieu dibéré dina Pébruari 2016 |
| Apple Inc. | |
|---|---|
 | |
| Tipe | Public |
| Ngadeg | Cupertino, California, U.S. (April 1, 1976) |
| Kantor puseur | Apple Campus, Cupertino, California, U.S. |
| No. lokasi | 437 Apple retail stores in 15 countries (October 2014) |
| Area nu diladénan | Worldwide |
| Inohong konci |
|
| Industri | |
| Produk | |
| Jasa | |
| Panghasilan |  US$ 182.795 billion (2014) |
| Panghasilan usaha | US$ 52.503 billion (2014) |
| Panghasilan beresih | US$ 39.510 billion (2014) |
| Karyawan | 98,000 (2014) |
| Cabang | |
| Ramatloka | www |
Apple Inc. nyaéta pausahaan multinasional di Silicon Valley, Cupertino, California nu mimitina mangrupa pausahaan nu gerak di widang téknologi komputer tapi kiwari jadi perusahaan nu nyiptakeun perangkat canggih nu dipikawanoh sakuliah dunya kalawan mérek dagang saperti OS X, iOS, iTunes, Safari Browser, iPhone, iPod, Macbook, iMac ogé iPad.[1]
Sajarah
[édit | édit sumber]Apple Computer nyaéta hiji pausahaan Silicon Valley nu basisna di Cupertino, California sarta mimitina ngan fokus ka widang téknologi komputer. Pangadeg ieu pausahaan nyaéta dua urang nu sobat dalit ti baheula nyaéta Steve Jobs jeung Steve Wozniak. Duanana mangrupa jalma nu resep pisan téknologi komputer. Taun 1975 Steve Wozniak nu mimitina gawé di Hewlett-Packard milih gabung jeung babaturana, nyaéta Steve Jobs ngabantuan ngadésain kaulinan vidio pikeun Atari. Disebut-sebut, dua Steve ieu teu parat kuliah tuluy ngadegkeun Apple Computer Company kaping 1 April 1976 kalawan produk perdana Apple I. Nalika ngadegkeun Apple Computer, umur Jobs 21 taun sedengkeun Wozniak 26 taun. Dina lalampahan Apple Computer, Inc. sanajan Steve Jobs pangadegna anjeunna kungsi dipecat ku manajemen Apple tapi balik deui sarta suksés ngangkat Apple.[1]
Nembongna Apple boga dampak ka révolusi komputer pribadi nalika taun 1970-an kalawan produk Apple II sarta dimajukeun nalika taun 1980 nepi ka ayeuna ku ngaran Macintosh. Mangsa mimiti ngadeg, pasar komputer didominasi ku International Bussiness Machine (IBM) kalawan komputer nu mesina badag. Apple harita jadi alternatif ku nyieun komputer leutik, murah, jeung gampang dipaké dina istilah pamasara Steven Jobs dipikawanoh ku "komputer untuk kita semua" (komputer keur urang kabeh). Nalika Apple I dijual hargana $666 per hiji unit. Ngaran Apple sorangan dijieun sangkan produkna bisa leuwih inovatif sarta teu umum di masarakat. Perusahaan ieu kudu béda ti IBM.[1]
Pasaingan dagang harita teu pati gedé sabab Apple ngan ngalayanan perusahaan leutik sedengkeun IBM ka perusahaan skala gedé. Ngan hal ieu robah nalika taun 1981 nalika IBM ngawanohkeun komputer munggarana sarta mimiti saingan jeung pasar Apple. PC IBM harita dijual saharga $1.565 nepi ka $6.000 gumantung fasilitasna sarta kajual 50.000 unit salila genep bulan. Tapi kiwari Apple dipikawanoh ku perangkat heuras ciptaana saperti iMac, Macbook, iPod, jeung iPhone. 9 Januari 2007 di acara Macworld Expo, Steve Jobs ngumumkeun balik ngaran Apple Computer Inc. jadi Apple Inc. Makna dijieuna urut ngagégél di sisi buah ngan boga maksud sangkan béda teu siga céri atawa tomat.[1]
Logo Apple
[édit | édit sumber]Logo mimiti Apple dirarancang ku Ron Wayne taun 1976 ogé salah sahiji pangadeg perusahaan éta. Logo ieu ngagambarkeun Isaac Newton nalika ngawangwang di handap tangkal apel. Tapi Steve Jobs ngarasa kurang puas sabab logo éta intelektual jeung ilmiah pisan. Ku kituna logo ti Ron Wayne dipaké keur Apple I hungkul.[1] Taun 1977 logo Apple dijieun ku Rob Janoff. Harita Janoff gawé salaku direktur seni di pausahaan humas Regis Mckenna Inc (RMI) basisna di California. Janoff disebut bisa ngarépréséntasikeun hal nu abstrak jadi visual.[2]
Produk Apple
[édit | édit sumber]- Tablét iPad mangrupakeun jajaran tablét Apple anu maké sistem operasi iPadOS, perusahaan anu diturunkeun tina macOS jeung iOS.
- Laptop Mac nyaéta jajaran laptop Apple anu maké sistem operasi macOS.
- Apple Watch nyaéta arloji nu diproduk ku Apple Inc. Alat ieu sadia tina opat jinis, nyaéta Apple Watch Sport, Apple Watch, Apple Watch Hermès, jeung Apple Watch Edition.
- iPod nyaéta merek sauntuyan alat pamuter média digital (musik) nu dirancang jeung dijual ku Apple Inc.
- Apple TV mangrupakeun parangkat digital media receiver nu diproduksi jeung dijual ku Apple Inc.
- Hapé iPhone nyaéta merek hapé nu dirancang jeung dipasarkeun ku Apple Inc. iPhone ieu maké sistem operasi telepon sélulér iOS.
Tipe-tipe iPhone diantarana:[3]
| Tipe | Taun Leupaskeun |
| iPhone | Juni 2007 |
| iPhone 3G | Juli 2008 |
| iPhone 3GS | Juni 2009 |
| iPhone 4 | Juni 2010 |
| iPhone 4 CDMA | Februari 2011 |
| iPhone 4s | Oktober 2011 |
| iPhone 5 | September 2012 |
| iPhone 5c | September 2013 |
| iPhone 5s | September 2013 |
| iPhone 6 | September 2014 |
| iPhone 6 Plus | September 2014 |
| iPhone 6s | September 2015 |
| iPhone 6s Plus | September 2015 |
| iPhone SE | Maret 2016 |
| iPhone 7 | September 2016 |
| iPhone 7 Plus | September 2016 |
| iPhone 8 | September 2017 |
| iPhone 8 Plus | September 2017 |
| iPhone X | November 2017 |
| iPhone XS | September 2018 |
| iPhone XS Max | September 2018 |
| iPhone XR | Oktober 2018 |
| iPhone 11 | September 2019 |
| iPhone 11 Pro | September 2019 |
| iPhone 11 Pro Max | September 2019 |
| iPhone SE 2020) | April 2020 |
| iPhone 12 mini | November 2020 |
| iPhone 12 | Oktober 2020 |
| iPhone 12 Pro | Oktober 2020 |
| iPhone 12 Pro Max | November 2020 |
| iPhone 13 mini | September 2021 |
| iPhone 13 | September 2021 |
| iPhone 13 Pro | September 2021 |
| iPhone 13 Pro Max | September 2021 |
Rujukan
[édit | édit sumber]- ↑ a b c d e Khoiruddin, Arie dkk. 2009. The Power of Iphoneberry. Jakarta: Gramedia Pustaka Utama
- ↑ Rob Janoff, Logo Apple, disungsi kaping 16 April 2015
- ↑ "All Apple phones". www.gsmarena.com. Diakses tanggal 2022-01-30.