Apple Inc.

Ti Wikipédia, énsiklopédia bébas
Luncat ka: pituduh, paluruh
Apple Inc.
Rupa Public
Simbol saham Dow Jones Industrial Average Component
Industri
Ngadeg Cupertino, California, U.S.
(April 1, 1976; 41 kaliwat (1976-04-01))
Markas Apple Campus, Cupertino, California, U.S.
Jumlah lokasi 437 Apple retail stores in 15 countries (October 2014)
Daérah layanan Worldwide
Jalmi penting
Produk
Jasa
Pamasukan Green Arrow Up Darker.svg US$ 182.795 billion (2014)
Laba usaha Green Arrow Up Darker.svg US$ 052.503 billion (2014)
Laba bersih Green Arrow Up Darker.svg US$ 039.510 billion (2014)
Jumlah asét Green Arrow Up Darker.svg US$ 231.839 billion (2014)
Jumlah ékuitas Red Arrow Down.svg US$ 111.547 billion (2014)
Pagawé 98,000 (2014)
Anak pausahaan
Ramatloka www.apple.com

Apple Inc. nyaéta perusahaan multinasional di Silicon Valley, Cupertino, California nu mimitina mangrupa perusahaan nu gerak di widang téknologi komputer tapi kiwari jadi perusahaan nu nyiptakeun perangkat canggih nu dipikawanoh sakuliah dunya kalawan mérek dagang saperti OS X, iOS, iTunes, Safari Browser, iPhone, iPod, Macbook, iMac ogé iPad.[1]

Sajarah[édit | édit sumber]

Apple Computer nyaéta hiji perusahaan Silicon Valley nu basisna di Cupertino, California sarta mimitina ngan fokus ka widang téknologi komputer. Pangadeg ieu perusahaan nyaéta dua urang nu sobat dalit ti baheula nyaéta Steve Jobs jeung Steve Wozniak. Duana mangrupa jalma nu resep pisan téknologi komputer. Taun 1975 Wozniak nu mimitina gawé di Hewlett-Packard milih gabung jeung babaturana, Steve Jobs nyaéta ngabantuan ngadésain kaulinan vidio pikeun Atari. Disebut-sebut dua Steve ieu teu parat kuliah tuluy ngadegkeun Apple Computer Company kaping 1 April 1976 kalawan produk perdana Apple I. Nalika ngadegkeun Apple Computer, umur Jobs 21 taun sedengkeun Wozniak 26 taun. Dina lalampahan Apple Computer, Inc. sanajan Steve Jobs pangadegna anjeunna kungsi dipecat ku manajemen Apple tapi balik deui sarta suksés ngangkat Apple.[1]

Munculna Apple boga dampak ka révolusi komputer pribadi nalika taun 1970-an kalawan produk Apple II sarta dimajukeun nalika taun 1980 nepi ka ayeuna ku ngaran Macintosh. Mangsa mimiti ngadeg, pasar komputer didominasi ku International Bussiness Machine (IBM) kalawan komputer nu mesina badag. Apple harita jadi alternatif ku nyieun komputer leutik, murah jeung gampang dipaké dina istilah pemasaran Jobs dipikawanoh ku "komputer untuk kita semua". Nalika Apple I dijual hargana $666 per hiji unit. Ngaran Apple sorangan dijieun sangkan produkna bisa leuwih inovatif sarta teu umum di masarakat. Perusahaan ieu kudu béda ti IBM.[1]

Pasaingan dagang harita teu pati gedé sabab Apple ngan ngalayanan perusahaan leutik sedengkeun IBM ka perusahaan skala gedé. Ngan hal ieu robah nalika taun 1981 nalika IBM ngawanohkeun PC munggarana sarta mimiti saingan jeung pasar Apple. PC IBM harita dijual saharga $1.565 nepi ka $6.000 gumantung fasilitasna sarta kajual 50.000 unit salila genep bulan. Tapi kiwari Apple dipikawanoh ku perangkat heuras ciptaana saperti iMac, Macbook, iPod jeung iPhone. 9 Januari 2007 di acara Macworld Expo, Steve Jobs ngumumkeun balik nama Apple Computer Inc. jadi Apple Inc. Makna dijieuna urut ngagégél di sisi buah ngan boga maksud sangkan béda teu siga céri atawa tomat.[1]

Logo Apple[édit | édit sumber]

Logo mimiti Apple dirarancang ku Ron Wayne taun 1976 ogé salah sahiji pangadeg perusahaan éta. Logo ieu ngagambarkeun Isaac Newton nalika ngawangwang di handap tangkal apel. Tapi Steve Jobs ngarasa kurang puas sabab logo éta intelektual jeung ilmiah pisan. Ku kituna logo ti Ron Wayne dipaké keur Apple I hungkul.[1] Taun 1977 logo Apple dijieun ku Rob Janoff. Harita Janoff gawé salaku art director di perusahaan humas Regis Mckenna Inc (RMI) basisna di California. Janoff disebut bisa ngarépréséntasikeun hal nu abstrak jadi visual.[2]

Rujukan[édit | édit sumber]

  1. a b c d e Khoiruddin, Arie dkk. 2009. The Power of Iphoneberry. Jakarta: Gramedia Pustaka Utama
  2. Rob Janoff, Logo Apple, disungsi kaping 16 April 2015