Babancong
Babancong téh mangrupa salah sahiji wangunan nu ngagaduhan nilai sajarah saréng termasuk icon Kota Garut nu monumental jeung unik.[1] Babancong nyaéta bangunan alit mirip pasanggrahan (tempat pangistirahatan atawa tempat panginapan milik pamaréntah) anu wangunna siga panggung lètakna aya di sisi selatan alun-alun atawa lapangan Oto Iskandardinata Garut. [2] Babancong ogé mangrupakeun warisan cagar budaya paninggalan Hindia Walanda anu pernah digunakan pidato perjuangan Presiden kahiji Republik Indonesia, nyaèta Ir. Soekarno, saatos kamerdekaan.[3]
Singkétna Babancong téh bangunan alit nu rada jangkung, letakna di sisi alun-alun, tempat para pamingpin.[4]
Sajarah Babancong
[édit | édit sumber]Babancong diwangun dina mangsa awal pamaréntahan di wewengkon Garut. Wangunan ieu diadegkeun babarengan jeung Gedong Pendopo, Alun-alun, Masjid Agung, jeung kantor karesidenan nalika ibu kota Kabupaten Limbangan (ayeuna Garut) diwangun taun 1813. Dina mangsa jaman kolonial Walanda, Babancong dipaké minangka tempat reureuh para pejabat Walanda sarta kulawargana, sarta janten panggung pikeun nonton rupa-rupa pagelaran ti masyarakat Garut. Wangunan ieu jantén saksi Presiden Soekarno perenah berpidato di luhur podium Babancong di hareupeun mangrébu masarakat Garut dina taun 1960-an. Sajarah ogé nyaritakeun yén deukeut Babancong kungsi dipaké minangka arena pikeun adu harimau jeung kerbau dina raraga ngarayakeun lebaran, di mana harimau diposisikeun di handapeun wangunan bari para pajabat duduk di luhur, nembongkeun suasana ritual adu kakuatan dina jaman harita.[2]
Arsitéktur jeung Fungsi
[édit | édit sumber]Dina hal arsitéktur, Babancong miboga ukuran kira-kira 15 méter pasagi kalayan panggung atawa kolong anu jangkungna kurang leuwih 2 méter. Struktur ieu dirojong ku dalapan (8) tiang anu ngajaga hateupna anu ngagambarkeun bentuk "payung geulis" kalawan jangkungna 7 méter.[2] Aya dua sisi tangga pikeun naék ka èta wangunan, nu ayeuna ditambahan pintu tina besi. Pipi tangga babancong motifna lengkung terawangan saperti sisik ular, panutup lantai anak tangga tina kéramik, nu mangrupa panambahan anyar. Panutup atap mangrupa genteng beton berglasur anu ogé mangrupakeun panambahan anyar. Material panyusun wangunan babancong mangrupa pasangan bata berplester anu dicat warna bodas.[5]
Sanajan wangunan ieu katingalina sederhana, desainna ngagambarkeun prinsip éstétika sarta kakuatan struktural anu jadi simbol integritas budaya Garut. Nepi ka jaman kiwari, Babancong terus dipaké salaku tempat kumpul resmi, tempat pidato, sarta upacara penting di alun-alun kota.[2]
Filosofi jeung Makna
[édit | édit sumber]Salain tina nilai sajarah jeung arsitekturna, Babancong ogé miboga filosofi anu jero, wangunan ieu teu saukur jadi struktur fisik, tapi ogé lambang identitas jeung kabanggaan masyarakat Garut. Dina Pilkada Garut 2024, Babancong dipilih jadi maskot lantaran éta ngagambarkeun semangat persatuan, kasejahteraan, jeung warisan budaya anu adi luhung. Filosofi anu diusung Babancong ngébréhkeun pentingna ngajaga nilai tradisional sapanjang jalan kamajuan modéren, sahingga simbol ieu terus hirup dina memori kolektif warga Garut.[3]
Référénsi
[édit | édit sumber]- ↑ Codingest. "Rutan Garut Ajak WBP Cintai & Angkat Nilai Sejarah Garut". Ditjenpas (Dina basa Inggris Amerika). Diaksés tanggal 2025-02-09.
- ↑ a b c d Infogarut. "Mengenal Babancong, Ikon Kota Garut yang Bersejarah". infogarut.id (Dina basa Indonesia). Diaksés tanggal 2025-02-09.
- ↑ a b Liputan6.com. "Filosofi Babancong, Bangunan Legendaris yang Jadi Maskot Pilkada Garut 2024". liputan6.com (Dina basa Indonesia). Diaksés tanggal 2025-02-09. Pemeliharaan CS1: Nama numerik: authors list (link)
- ↑ "babancong" (Dina basa Indonesia). 2022-11-23.
- ↑ "Babancong dari Garut, podium jaman dulu – Balai Pelestarian Cagar Budaya Banten" (Dina basa Inggris Amerika). Diaksés tanggal 2025-02-09.