Bani Israil
| Bani Israil (بني إسرائيل) | |
|---|---|
 Garis katurunan 12 suku Bani Israil ti Nabi Ya'qub as. | |
| Mangsa | Jaman Kuno (Era Para Nabi) |
| Wilayah | Kan'an, Mesir Kuno, Syam |
| Basa | Ibrani, Aram |
| Agama | Tauhid, Yudaisme |
| Patali jeung | Bangsa Arab, Bangsa Samaria |
Bani Israil (Basa Arab: بني إسرائيل, بني إسرائيل) nyaéta sebutan pikeun katurunan ti dua belas putra Nabi Ya'qub as. anu miboga lalandian "Israil".[1] Bangsa ieu mangrupa salah sahiji kaum anu paling sering disebutkeun dina Al-Qur'an alatan sajarahna anu panjang jeung loba nabi anu diutus ka maranéhna.[2]
Asal-usul
[édit | édit sumber]Nami "Israil" asalna tina basa Ibrani anu hartosna "Hamba Allah" atawa Abdullah.[3] Nabi Ya'qub miboga 12 putra anu masing-masing jadi cikal bakal 12 suku (asbath) Bani Israil.[4] Di antarana nyaéta Yusuf as. anu mawa kulawargana ka Mesir, Bunyamin, sarta dulur-dulurna saperti Ruba'il, Syam'un, Lawi, jeung Yahuda.[1]
Sajarah Kanabian
[édit | édit sumber]Sajarah Bani Israil pinuh ku pasang surut, ti mimiti jaman perbudakan di Mesir nepi ka masa kajayaan di Baitul Maqdis.[5]
Jaman Nabi Musa as.
[édit | édit sumber]Nabi Musa as. mingpin Bani Israil kaluar tina panyiksaan Fir'aun dina peristiwa anu disebut Exodus.[6] Saatos kaluar ti Mesir, maranéhna dihukum kasasab di padang pasir (Tih) salami 40 taun alatan nolak paréntah Allah pikeun merangan bangsa nu dhalim.[7]
Jaman Nabi Dawud jeung Sulaiman as.
[édit | édit sumber]Ieu mangrupa puncak kajayaan Bani Israil dimana maranéhna ngadegkeun karajaan anu kuat sarta ngawangun Baitul Maqdis.[5] Rosulullah SAW ngadawuh yén Baitul Maqdis diwangun deui ku Nabi Sulaiman as. kalayan megah pisan.[8]
Bani Israil Jaman Kiwari
[édit | édit sumber]Dina kontéks modern, istilah Bani Israil sering dipatalikeun jeung bangsa Yahudi sanajan aya bédana antara garis katurunan jeung pangagem agama.[9] Kiwari, katurunan Bani Israil kasebar di sakuliah dunya (Diaspora) saatos runtuhna karajaan maranéhna di jaman baheula.[10] Al-Qur'an parantos ngingetkeun yén maranéhna bakal dipencarkeun ka rupa-rupa nagara nepi ka poé kiamat.[11]
Bani Israil vs Nagara Israel
[édit | édit sumber]Aya bédana anu kacida jentréna antara Bani Israil salaku kaum nabi jeung Nagara Israel salaku éntitas pulitik modern.[12] Nagara Israel anu diadegkeun taun 1948 dumasar kana ideologi Zionisme anu sipatna nasionalis-pulitik.[13] Penjajahan wilayah Palestina anu dilakukeun ku Nagara Israel modéren dianggap ku seueur ulama salaku gerakan kolonial, sanés paréntah agama.[14] Malah aya kelompok Yahudi Ortodoks saperti Neturei Karta anu nolak ayana Nagara Israel sabab dianggap ngalanggar ajaran Taurat.[15] Hal ieu negeskeun yén tindakan rezim pulitik Israel teu tiasa dianggap wakil tina sakabéh turunan Bani Israil.[16]
Karakteristik dina Kitab Suci
[édit | édit sumber]Dina Al-Qur'an, Bani Israil digambarkeun salaku kaum anu dipasihan seueur kaistiméwaan, tapi ogé sering ingkar janji ka Allah SWT.[17]
Rujukan
[édit | édit sumber]- 1 2 Ibnu Katsir. Qashash al-Anbiya. Kairo: Dar al-Manar, hlm. 154.
- ↑ Al-Qur'an Surah Al-Baqarah ayat 40.
- ↑ Tafsir Ibnu Katsir. "Tafsir Surah Al-Baqarah Ayat 40"[tumbu nonaktif].
- ↑ Al-Qur'an Surah Yusuf ayat 4.
- 1 2 At-Tabari. Tarikh al-Rusul wa al-Muluk. Jilid 3, hlm. 245.
- ↑ Al-Qur'an Surah Al-A'raf ayat 137.
- ↑ Al-Qur'an Surah Al-Ma'idah ayat 26.
- ↑ Sunan An-Nasa'i, Hadits Nomer 693.
- ↑ MUI. "Memahami Perbedaan Yahudi, Bani Israil, dan Zionis"[tumbu nonaktif].
- ↑ Encyclopedia Britannica. "Diaspora: Jewish History".
- ↑ Al-Qur'an Surah Al-A'raf ayat 168.
- ↑ Kamenterian Agama RI. "Tematik Al-Qur'an: Bani Israil".
- ↑ Britannica. "Zionism: Jewish nationalist movement".
- ↑ MUI. "Memahami Perbedaan Yahudi, Bani Israil, dan Zionis"[tumbu nonaktif].
- ↑ Al Jazeera. "Who are the Ultra-Orthodox Jews protesting against Israel?"[tumbu nonaktif].
- ↑ Abbas Mahmoud al-Aqqad. Al-Sihyuniyyah al-Alamiyyah. Kairo: Hindawi Foundation[tumbu nonaktif].
- ↑ Al-Qur'an Surah Al-Baqarah ayat 57-61.