Baso aci

Baso Aci nyaéta kadahareun khas Jawa Barat nu sarua jeung baso, tapi bahannar tina tipung aci. Baso aci mah dijieunna teu di campur daging giling kawas baso biasana. Baso aci jadi salah sahiji kuliner favorit, utamana keur nu resep masakan khas nusantara, hususna nu resep lada. Biasana baso aci disajikeun ku kuah nu beunghar ku bumbu dibarengan ku rasa lada nu nyegerkeun. Salian ti éta, baso aci ogé dilengkepan ku rupa-rupa topping. Topping nu biasa dipaké yaéta sukro cikur, baso cuanki, cuanki lidah, cuanki siomay, baso daging, pangsit, tulang, cékér, mie jeung sajabana.

Sajarah

Tina sajarahna, baso aci téh geus aya ti abad ka-19. Baheula mah disebutna cilok. Sajalan jeung waktu, cilok beuki dikenal jadi baso aci. Baso aci téh olahan pangan anu dijieun ku masarakat di wewengkon Priangan Wétan. Asal-muasalna, baso aci dijieun ku urang Sunda salaku gaganti sangu, sabab bahan bakuna murah jeung gampang dipibanda. Biasana, baso aci disajikeun jeung kaldu sapi atawa kaldu hayam, ditambah rasa lada nu nyugemakeun.

Baso aci tuluy jadi salah sahiji kadaharan beurat nu dipikaresep ku masarakat Tatar Sunda. Kiwari, baso aci geus jadi salah sahiji sumebar ka mana-mana, lain ukur di Jawa Barat wungkul, tapi nepi ka sakuliah Indonesia. Ayeuna mah loba inovasi baso aci, kawas baso aci instan nu gampang didahar iraha waé, ogé variasi rasa jeung tingkat lada nu béda-béda. Kusabab rasana nu gurih jeung cara nyieunna nu henteu ribet, baso aci terus jadi kadaharan karesep loba jalma, ti barudak nepi ka kolot.

Féstival Baso Aci

Féstival baso aci dilaksanakeun pertama kali di Kapubaten Garut, Jawa Barat nyaéta di tahun 2019 keur ngarayakeun kuliner khas daerah jeung ngeunalkeun yén baso aci téh kadaharan khas ti Kabuten Garut. Acara ieu digelar di pakarangan pendopo Kabupaten Garut. Féstival baso aci mangrupa acara tahunan, ngan tahun 2020 - 2021 teu kalaksana kusabab kahambat ku wabah COVID-19.