Batu Peti
Batu Peti ngarujuk ka dua situs anu béda di Kota Banjar, Jawa Barat.
1. Situs Batu Peti arkéologi nyaéta batu alam anu disebutkeun dina naskah Sunda kuna Kidung Lakbok. Ieu anu potona aya dina galeri artikel ieu.
2. Eco Wisata Batu Peti nyaéta tempat wisata anu aya di Désa Sukamukti, Kacamatan Pataruman. Kawasan ieu kadaptar di SISPARNA Kemenparekraf sarta ngawengku Situ Batu Peti jeung Situs Batu Peti (Curug Panganten).
Sajarah
[édit | édit sumber]Dumasar kana naskah Kidung Lakbok kaca 9, bait 21, kacatet:[1]
"Batu peti nu kiwari, Batu karut nu kapungkur"
Hartina:
- Batu Peti: Lambang wadah atawa tempat nyimpen amanat, élmu, jeung carita karuhun nu kudu dijaga nepi ka kiwari.
- Batu Karut: Saksi bisu tina kajadian gedé nu geus kaliwat, sapertos jaman Karajaan Bandjarpatroman.
Loba masarakat nu salah maca jadi "Batu Petir" alatan kamiripan bentuk hurup dina naskah Sunda kuna. Ngan tina naskah asli, nu bener nyaéta "Batu Peti".[1]
Wisata Batu Peti Kiwari
[édit | édit sumber]Saprak 2024-2025, lokasi Batu Peti dimekarkeun jadi daya tarik wisata di Kota Banjar. Wisata ieu ngagabungkeun wisata cai jeung alam.[2]
Sababaraha wahana nu aya di antarana:
- Bebek-bebekan jeung parahu cai di situ
- Flying fox jeung wahana outbound
- Saung jeung tempat istirahat kulawarga
Wisata ieu jadi rame utamana pas libur Lebaran 2025. Kurang leuwih 500 wisatawan kacatet nganjang ti H+1 Lebaran, kalayan rata-rata 100 wisatawan per poé.[3] Harga tikét wahana bebek gowes nyaéta Rp10.000 per jalma, sedengkeun asup ka kawasan wisata masih gratis.[2][3]
Sajaba ti éta, warga jeung Bhabinkamtibmas Désa Sukamukti rutin ngalakonan gotong royong pikeun ngaberesihan jeung ngajaga lingkungan wisata.[4]
Status Resmi
[édit | édit sumber]Batu Peti geus kadaptar dina Sistem Informasi Data Pariwisata Nasional (SISPARNA) Kementerian Pariwisata Républik Indonesia salaku salah sahiji daya tarik wisata di Kota Banjar.[5]
Plang ieu dipasang di hareupeun situs, sedengkeun batu peti aslina aya di tukangeun plang.[5]
Galeri
[édit | édit sumber]
Batu Peti asli di tukangeun plang cagar budaya
Plang resmi Situs Cagar Budaya Batu Peti
Tempo ogé
[édit | édit sumber]Rujukan
[édit | édit sumber]- 1 2 Prawiraatmadja, M. Karso. Kidung Lakbok. 1956. Hlm. 9.
- 1 2 "Liburan Akhir Tahun, Wisata Batu Peti Kota Banjar Mulai Jadi Daya Tarik Wisatawan". Harapan Rakyat. 26 Désémber 2024.
- 1 2 "Libur Lebaran 2025, Wisata Batu Peti Jadi Primadona Baru di Kota Banjar". Galuh.ID. 6 April 2025.
- ↑ "Bhabinkamtibmas Sukamukti Bersama Warga Benahi Eco Wisata Batu Peti, Perkuat Gotong Royong Desa". Humas Polri. 6 Pébruari 2026.
- 1 2 "Batu Peti - Atraksi Pariwisata di Kota Banjar". SISPARNA Kemenparekraf RI. Diaksés tanggal 17 Méi 2026.