Campolay

Campolay
Campolay di Taman Hutan Raya Ir. H. Djuanda Bandung
Klasifikasi ilmiah
Karajaan:	Plantae
Divisi:	Magnoliophyta
Kelas:	Magnoliopsida
Ordo:	Ericales
Kulawarga:	Sapotaceae
Génus:	Lucuma
Spésiés:	L. campechiana
Ngaran binomial
Lucuma campechiana Kunth
Sinonim
Pouteria campechiana (Kunth) Baehni

Daun campolay

Campolay (Lucuma campechiana Kunth, sin. Pouteria campechiana (Kunth) Baehni) atawa campoléh, sawo mentéga, alkésah nyaéta hiji tutuwuhan anu kaasup ka famili Sapotaceae (kulawarga sawo-sawoan). Ieu tutuwuhan pituin Amérika Tengah sarta diwanohkeun ka Asia Tenggara.

Ciri mandiri

Biasana ieu tangkal jangkungna henteu leuwih ti 8 méter, tapi bisa nepi ka 30 méter upama kondisi lingkunganna optimal. Diaméter batangna bisa nepi ka 1 méter. Tangkalna ngahasilkeun buah nu warnana jingga semu konéng nu panjangna nepi ka 7 cm sarta bisa didahar tanpa diasakan heula. Warna buahna héjo waktu ngora sarta konéng waktu geus asak. Kulit buahna gampang soék antukna gampang ruksak. Daging buah alkésa boga tékstur jiga hui boléd konéng, amis sarta rada kesed. Urang Inggris mindeng ngabandingkeun daging buah alkésah jeung kuluban konéng endog antukna maranéhna mindeng nyebut ieu buah minangka eggfruit. Ditempo ti tékstur buahna, alkésah cocog dijadikeun bahan baku selé, dodol atawa digaringkeun jadi tipung minangka bahan kuéh.

Daunna héjo tuluy (evergreen), ipis, leucir, sarta boga ranggeuy (petiol), filotaksisna alternate, bentuk daunna ti lanceolate-oblong nepi ka obovate.

Buahna mimitina héjo, tuluy ngonéngan nalika rék asak. Bentukanna antara buleud sarta oval.

Habitat ieu tangkal nyaéta di bioma anu boga iklim tropis baseuh dina élevasi kurang ti 1.400 méter di luhureun beungeut sagara.