Cedar Jepang
Cedar Jepang anu ngabogaan ngaran ilmiah Cryptomeria japonica nyaéta salah sahiji tutuwuhan anu tumuwuh asli ti nagara Jepang tur dipikawanoh ku ngaran sugi.[1][2]
Ciri
[édit | édit sumber]Cedar Jepang mangrupakeun tatangkalan evergreen nu bisa tumuwuh nepi ka jangkungna 70 méter kalayan diaméter tangkal nepi ka 4 méter. Kulit tangkalna miboga warna beureum-coklat sarta melok-melok vértikal. Daunna wangunna siga jarum, nagabentuk spiral, panjangna kira-kira 0,5–1 cm. Konus sikina ngabentuk buleud, diaméterna 1–2 cm, sarta diwangun ku sakitar 20–40 sisit.
Habitat jeung distribusi
[édit | édit sumber]Cedar Jepang atawa Sugi geus dipelak di Tiongkok salila lila pisan, nepi ka sering dianggap salaku tatangkalan asli di dinya. Sababaraha bentuk sugi nu dipilih pikeun hiasan jeung produksi kai di Tiongkok ti baheula kungsi dianggap minangka variétas nu béda, nyaéta Cryptomeria japonica var. sinensis (atawa malah disebut spésiés nu béda, Cryptomeria fortunei). Tapi, variétas éta sabenerna masih aya dina wates variasi alami nu kapanggih di Jepang, sarta euweuh bukti nu jelas yén spésiés ieu kungsi tumuwuh sacara alami di Tiongkok. Analisis génétik kana populasi sugi nu pang kasohorna di Tiongkok, nyaéta nu aya di Gunung Tianmu nu di dinya aya tangkal-tangkal nu diperkirakeun geus ampir 1000 taun nunjukkeun yén populasi éta asalna tina prosés introduksi, lain spésiés asli.[3]
Di luar habitat aslina, Cryptomeria japonica ogé kungsi ditepikeun ka Kapuloan Azorés dina pertengahan abad ka-19 pikeun produksi kai. Ayeuna, tatangkalan ieu jadi spésiés nu panglobana dipelak di kapuloan éta, kalayan luas leuweung sugi ngahontal leuwih ti 12.698 héktar, nu nyusun 60% leuweung produksi jeung sakitar 1/5 tina total luas daratan di daérah éta.[4][5]
Pamakéan
[édit | édit sumber]Kai tina cedar Jepang dipikawanoh lantaran bauna nu has, hampang tapi kuat, sarta tahan ku cai jeung lila proses pangburukeuna. Kai ieu sering dipaké dina konstruksi, pangjieunan jati, panél intérior, jeung karajinan tradisional Jepang kawas pangjieunan torobong jeung kotak. Di Jepang, tangkal ieu ogé mindeng dipelak di sabudeureun kuil jeung tempat suci, kalayan loba tangkal kolot nu geus dipelak ratusan taun ka tukang.
Daptar rujukan
[édit | édit sumber]- ↑ "USDA Plants Database". plants.sc.egov.usda.gov. Diakses tanggal 2025-03-01.
- ↑ "Japanese cedar | Evergreen, Coniferous, Ornamental | Britannica". www.britannica.com. Diakses tanggal 2025-03-01.
- ↑ Chen, Yan; Yang, Shu-Zhen; Zhao, Ming-Shui; Ni, Bi-Ye; Liu, Liang; Chen, Xiao-Yong (2008). "Demographic Genetic Structure of Cryptomeria japonica var. sinensis in Tianmushan Nature Reserve, China" (dalam bahasa en). Journal of Integrative Plant Biology 50 (9): 1171–1177. doi:10.1111/j.1744-7909.2008.00725.x. ISSN 1744-7909. https://onlinelibrary.wiley.com/doi/10.1111/j.1744-7909.2008.00725.x.
- ↑ "Criptomeria (Cryptomeria japonica)". www.almanaqueacoriano.com. Diakses tanggal 2025-03-01.
- ↑ "Azorean Criptomeria". web.archive.org. Diakses tanggal 2025-03-01.