Charles Darwin

Charles Darwin (1809-1882) nyaéta élmuwan anu kasohor ku tiori kontrovérsial, tiori évolusi anu ditulisna dina buku the origin of species^[1]^[2]. Charles Darwin nyaéta incuna Erasmus Darwin, dokter katut filsuf anu kasohor, manéhna dianggap pelopor élmu biologi modéren, awalna Darwin maluruh ngeunaan sajarah alam Dunya ngaliwatan élmu kadokteran jeung téologi^[1]. Charles Darwin gumelar ti pasangan Robert (dokter masarakat kelas luhur) jeung Susannah tanggal 12 Désémber 1809 di kota Shrewsbury, Shropshire, Inggris^[1]^[2].

Charles Darwin jadi penjelajah dunya salila 5 taun maké kapan HMS Béagle pikeun nalungtik spésiés-spésiés nu aya di Dunya, ieu lalampahan dimulai taun 1831 nalika umurna 20 taun^[1]^[2]. Rute pelayaranna nyaéta basisir Amérika Kidul, kapuloan Galapagos, pulo-pulo pasifik, samudra Hindia, sarta samudra Atlantik^[1]^[2]. Sabada ngalaksamakeun panalungtikan anu cukup lila, Darwin nyindekkeun yén mahluk hirup ngalaman parobahan dina sajarah Dunya, numutkeun manéhna, mahluk hirup nu ayeuna aya téh mangrupa hasil seléksi alam^[1]. Tiori évolusi Darwin diterbitkeun taun 1859, Darwin nétélakeun yén manusa téh mangrupa hasil évolusi tina monyét, tangtu baé ieu tiori téh patukangtonggong jeung téologi agama^[1]. Charles Darwin maot tanggal 19 April 1882, Darwin dimakamkeun di gigireun Sir Isaac Newton di Westminster Abbey^[1]^[2].

Référénsi

↑ ^a ^b ^c ^d ^e ^f ^g ^h Biografi Tokoh Dunya- Charles Darwin Archived 2011-12-10 di Wayback Machine (diaksés tanggal 4 Désémber 2011)
↑ ^a ^b ^c ^d ^e Élmuwan Charles Darwin Archived 2012-12-06 di Wayback Machine (diaksés tanggal 4 Désémber 2011)

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.

[bio-1] ↑ ^a ^b ^c ^d ^e ^f ^g ^h Biografi Tokoh Dunya- Charles Darwin Archived 2011-12-10 di Wayback Machine (diaksés tanggal 4 Désémber 2011)

[id-2] Élmuwan Charles Darwin Archived 2012-12-06 di Wayback Machine (diaksés tanggal 4 Désémber 2011)

[1]

[2]