Dadap serep

Dadap serep
	Daun Dadap serep (Erythrina subumbrans) anu lemes sarta teu aya cucukan
Klasifikasi ilmiah
Karajaan:	Plantae
Subkingdom:	Tracheobionta
Superdivisi:	Spermatophyta
Divisi:	Magnoliophyta
Kelas:	Magnoliopsida
Subkelas:	Rosidae
Ordo:	Fabales
Kulawarga:	Fabaceae
Génus:	Erythrina
Spésiés:	E. subumbrans
Ngaran binomial
	Erythrina subumbrans; (Hassk.) Merr.

Dadap serep (Erythrina subumbrans) nyaéta tutuwuhan kai anu kaasup kana kulawarga Fabaceae. Ieu tutuwuhan miboga harti anu kacida pentingna dina widang kaséhatan tradisional masarakat Sunda. Jonathan Rigg nyatet yén dadap serep mangrupa jenis dadap anu tangkalna lemes sarta teu aya cucukan, mindeng dipelak di sakuriling imah atawa kebon.^[1]

Nami Daérah

Dina rupa-rupa dialék, ieu tutuwuhan miboga nami vernakular:

Sunda: Dadap serep, Dadap lénang.
Jawa: Dadap serep.
Melayu: Dadap licin.
Inggris: September bells.

Karakteristik Morfologi

Dadap serep miboga ciri fisik anu mandiri:

Daun: Wangunna majemuk tilu (trifoliate), leuwih lemes sarta leuwih ipis batan dadap cangkring.
Tangkal: Kulitna lemes, warnana kulawu semu bodas, sarta anu paling utama nyaéta teu miboga cucuk dina tangkalna.
Kembang: Kembangna warnana beureum ngora, tumuwuh dina tungtung régang na.

Cara Ngarekahkeun

Dadap serep kawéntar salaku tutuwuhan anu kacida gampangna dipelak. Aya dua cara utama pikeun ngarekahkeunana:

Sték Tangkal: Ieu mangrupa cara anu paling umum sarta paling gampang. Carana nyaéta ku neukteuk dahan anu parantos rada kolot (ukuranana sakira-kira sarua jeung jempol leungeun) panjangna 50-100 séntiméter, saterusna langsung ditanceubkeun kana taneuh anu jemlék. Biasana dina sababaraha minggu, sirung anyar parantos mimiti bijil.
Siki: Sanajan jarang dipaké alatan leuwih lila, dadap serep ogé bisa diréngkahkeun tina sikina. Siki anu parantos asak (warna coklat) bisa langsung dipelak dina média taneuh.^[2]

Kagunaan salaku Ubar

Dumasar kana buku Tumbuhan Obat Sunda, dadap serep mangrupa salah sahiji "ubar wajib" di imah pikeun ngunhkilan:

Nurunkeun Panas: Daun dadap serep dirameus maké cai, saterusna dipaké pikeun ngomprés (komprés tiis) tarang budak anu muriang supados panasna serep (turun).
Ubar kaseureud: Cai peresan daunna dipaké pikeun niiskeun kulit anu kakeunaan seuseureud gegeremet atawa ateul.^[3]

Sebaran sarta Ékologi

Dadap serep sumebar sacara alami di Asia Tenggara. Ieu tutuwuhan gampang pisan tumuwuh dina rupa-rupa kaayaan taneuh sarta mindeng dipaké salaku tangkal pangiuh dina pakebunan kopi sarta kakao.

Rujukan

↑ Rigg, Jonathan. (1862). A Dictionary of the Sunda Language of Java. Batavia: Lange & Co. Kaca 111.
↑ Pusat Studi Biofarmaka Tropika IPB. (2014). Database Tanaman Obat IPB Archived 2026-02-02 di Wayback Machine. Bogor: IPB University. Diaksés tanggal 17 Pébruari 2026.
↑ Sudrajat, Jajat. (2015). Tumbuhan Obat Sunda. Bandung: Polper Press. Kaca 47.

[rigg-1] Rigg, Jonathan. (1862). A Dictionary of the Sunda Language of Java. Batavia: Lange & Co. Kaca 111.

[ipb-2] Pusat Studi Biofarmaka Tropika IPB. (2014). Database Tanaman Obat IPB Archived 2026-02-02 di Wayback Machine. Bogor: IPB University. Diaksés tanggal 17 Pébruari 2026.

[jajat-3] Sudrajat, Jajat. (2015). Tumbuhan Obat Sunda. Bandung: Polper Press. Kaca 47.

[1]

[2]

[3]