Gedong Perjuangan Majalengka
Gedong Perjuangan Majalengka ayana di Jalan KH Abdul Halim Jl. Letkol Abdul Gani No. 5, Majalengka Kulon, Kecamatan Majalengka, Kabupaten Majalengka, Jawa Barat.Gigireun Gedong DPRD Kabupaten Majalengka,[1] Gedong Perjuangan ayeuna geus robah jadi museum mini. eusina aya fosil gajah Stegodon kuno nu kapanggih di daerah Majalengka. Aya ogé naskah kuno, pakakas tatanén kuno, jeung dokuméntasi sajarah perjuangan lokal, nu dikelola ku komunitas Grumala[2].
Sajarah
[édit | édit sumber]Baheulana Gedong Perjuangan kasohor ngarana Gedong Asisten Residen (AR), baheulana gedong ieu dijadikeun puseur pamaréntahan kolonial Walanda di wewengkon Majalengka. Jalma Walanda anu mimiti dijadikeun Asisten Residen di ieu gedong nyaéta Meneer J.J Meider jeung Residen Cirebon waktu harita nyaéta Meneer H. Klein Van der Poll sarta dina waktu éta Bupati Majalengka nyaéta Kanjeng Bupati RAA Bahudenda.[3]
Dina taun 1920-an pernah ngalaman posisi Asistén Residen di Majalengka teh kosong dina kajadian ngagabungna wewengkon administrasi Majalengka jeung Afdelling Indramayu.[3]
Dina taun 1930 M. Scheltemma diangkat deui jadi Asisten Residen Majalengka, dibarengan ku saurang jeung dua Patih Afdelling (Bupati Afdelling). Salah sahiji patih anu pangpanjangna ngajabat dina waktos éta nyaéta Radén Mas Rangga Djajoesman.[3]
Dina jaman kolonial, Gedong AR dijadikeun tempat ngaéksekusi masarakat pribumi anu dianggap boga dosa. Eksekusi ieu dilaksanakeun sacara umum minangka peringatan pikeun masarakat anu langkung ageung. Saterusna, wangunan ogé jadi saksi panyiksaan para pejuang kamerdékaan.[4]
Dina mangsa penjajahan Jepang, Gedong AR ampir ancur ku serangan bom. Sanajan kitu, rencana gagal sabab bom teu ngabeledug. Sanggeus Indonésia merdéka taun 1945, Gedong AR dijadikeun kantor Panitia Nasional Indonésia Daérah (PNID), anu saterusna dimekarkeun jadi cikal bakal Déwan Perwakilan Rakyat Daerah (DPRD).[4]
Arsitektur Gedung
[édit | édit sumber]Aya dalapan kamar. Gedong Juang lebarna kurang leuwih 18 méter jeung panjangna 21 méter.[5] Wangunan ieu oge ngagaduhan arsitéktur Éropa kalayan desain kolonial anu has tea nyaeta: jandéla ageung, pilar jangkung, sareng palataran anu lega. Teu heran aura jaman baheula masih kuat di dieu.[2]
Referensi
[édit | édit sumber]- ↑ radarmajalengka.com. "Mengintip Gedung Juang Majalengka yang Berusia Ratusan Tahun". radarmajalengka.com (Dina basa Indonesia). Diaksés tanggal 2025-07-19.
- 1 2 Husni. "Gedung Juang Majalengka: Lokasi, Tiket Masuk, dan Fakta Menariknya - Harian Lingga - Halaman 2". Harian Lingga (Dina basa Indonesia). Diaksés tanggal 2025-07-19.
- 1 2 3 "timesindonesia". Archived 2025-07-26 di Wayback Machine
- 1 2 "Gedung Juang Majalengka: Saksi Bisu Hukuman Gantung Dahulu". muhammadiyahgarut (Dina basa Indonesia). Diaksés tanggal 2025-07-19.
- ↑ radarmajalengka.com. "Mengintip Gedung Juang Majalengka yang Berusia Ratusan Tahun". radarmajalengka.com (Dina basa Indonesia). Diaksés tanggal 2025-07-19.