Hanung Bramantyo

Ti Wikipédia, énsiklopédia bébas
Luncat ka: pituduh, sungsi

Setiawan Hanung Bramantyo leuwih dipikawanoh Hanung Bramantyo (gumelar di Yogyakarta, 1 Oktober 1975; umur 39 taun) nyaéta saurang aktor tur sutradara asal Indonésia.[1] Dina kahirupan pribadina, Hanung jeung Yanesthi Hardini kaayaan rumah tanggana keur aya di tungtung tanduk.[1] Prosés perceraian Hanung anu geus miboga hiji budak lumangsung di Pangadilan Agaman Jakarta Selatan.[1]

Di bulan Pébruari 2009, sutradara film pondok JK ieu, geus resmi jadi duda.[1] Sanggeus jadi duda, bapa ti Barmastya Bhumi dikabarkeun ngajalin hubungan spesial kalayan artis Zaskia Adya Mecca.[1] Tapi mindeng sok teu ngaku ayana hubungan téh, tapi dina Senén (14/9) peuting, tempat di Masjid At Taqwa, Kemayoran Baru, Jaksel, Hanung mantep nikah ka Zaskia, kalayan mas kawin mangrupa duit tunai Rp80.897.000, sutradara GET MARRIED 2 ieu resmi jadi salaki Zaskia.[1]

Taun 2010, Hanung diwartakeun dipariksa ku Kapulisian Kalimantan Kidul.[2] Sutradara ieu disangka geus narima duit sagedé Rp1,4 milyar patali keur nyieuna film ASMAUL HUSNA.[2] Tapi hanjakalna, duit ieu disinyalir minangka hasil kajahatan.[2] Béjana perkara ieu ogé nyeret ngaran penyanyi Opick, Hanung sorangan ngarasa dirina saukur korban. [2]

Karir[édit | édit sumber]

Dina Festival Film Indonésia (FFI) 2005, Hanung kapilih minangka sutradara pangalusna liwat filmna, Brownies pikeun Piala Citra - film layar lebar.[1] Dirina ogé dinominasikan minangka sutradara pangalusna pikeun film carita lepas, liwat SAYEKTI DAN HANAFI, tapi dirina saterusna diéléhkeun ku sutradara Guntur Soehardjanto. [1]

Film-film anu disutradaraan ku Hanung di antarana,

  1. LENTERA MERAH (2006)
  2. JOMBLO (2006)
  3. SAYEKTI DAN HANAFI (TV) (2005)
  4. CATETAN AKHIR SEKOLAH (2005)
  5. BROWNIES (2004)
  6. WHEN... (2003)
  7. GELAS-GELAS BERDENTING (2001)
  8. TOPENG KEKASIH (2000).[1]

Salian ti éta, Hanung ogé ngarahkeun film TINGKLING GLASS, anu saterusna ngahontal Jawara III Bronze 11th Cairo International Film Festival (CIFF) Category TV Program di Mesir.[1]

Karya spektakuler Hanung ditembrakkeun liwat film AYAT-AYAT CINTA(2008), hiji film religi anu diangkat ti novel suksés karya Habiburrahman El Shirazy jeung judul anu sarua.[1] Dina film éta, duda jeung saurang anak ieu, ngajak Fedi Nuril, Rianti Cartwright, Carissa Putri, Zaskia A Mecca, sarta Putri Indonésia 2002, Melanie Putri ngabintangan film anu ogé suksés diputer di Malaysia sarta Singapura éta. [1]

Suksés film ieu, ogé dituturkeun kalayan kaberhasilan album OST AYAT-AYAT CINTA (2008) anu di jerona ngeusi 12 lagu anu dibawakan Rossa, Ungu, sarta Sherina.[1]

Hanung sorangan kungsi kuliah di Fakultas Ékonomi Universitas Islam Indonésia tapi henteu dipungkasna. Saterusna pindah diajar dunya film di Jurusan Film Fakultas Film sarta Télévisi Institut Kesenian Jakarta.[1] Sadeui nungguan prosés sidangna, Hanung ngabuktikeun deui kiprahna minangka sutradara ngora berbakat.[1] Babarengan Starvision manéhna hayang ngulang suksésna tiheula liwat film AWÉWÉ BERKALUNG SORBAN anu diangkat ti novel karya Abidah Al Khalieqy.[1]

Dina taun 2011, filmna,[rujukan?] jadi kontroversi di lemah cai.[1] Sawatara pihak ngancem ambéh film ieu henteu tayang.[1] Sanggeus sempet témbong di layar rubak, film? sempet baris ditayangkeun di salah sahiji stasiun télévisi swasta, SCTV.[1] Tapi, alatan dianggap ngeusi ngeunaan pemurtadan, film ieu gagal tayang sanggeus Front Pembela Islam (FPI) ngadatangan kantor SCTV.[1]

Filmografi[édit | édit sumber]

Minangka sutradara

Minangka pameran

  • Jomblo (2006) - minangka koki
  • Lentera Merah (2006) - minangka Déwan Alumni 65
  • Get Married 2 (2009) - minangka pemarkir mobil
  • Get Married 3 (2011) - minangka jelema lolong.[1]

Rujukan[édit | édit sumber]

  1. a b c d e f g h i j k l m n o p q r s t u (id)[1] (diaksés tanggal 12 Nopember 2011)
  2. a b c d e (id)[2] (diaksés tanggal 12 Nopember 2011)
Nulis.jpg