Hasyim Asy'ari
KH Hasyim Asy'ari atawa M. Hasyim Asy'ari téh saurang ulama anu lahir di Jombang, dina tanggal 24 Dzulqaidah 1287 H. Manéhna téh anak ka-3 tina 11 sadulur, putrana KH Asy’ari (nu mingpin Pasantren Keras di Jombang) jeung Nyai Halimah. Tina jalur bapana, Hasyim téh katurunan Rasulullah, sarta ogé katurunan Sunan Giri, salah sahiji wali anu ngembangkeun Islam di Jawa. Sedengkeun tina jalur indungna, manéhna téh katurunan Raja Brawijaya VI (Lembu Peteng), raja panungtungan Karajaan Majapahit. Ku kituna, dina diri Hasyim ngahiji dua garis turunan nyaéta keturunan ulama jeung wali, bari ogé mawa getih bangsawan Jawa. Ieu nu ngajadikeun sosokna boga wibawa gedé boh di kalangan santri boh di masarakat umum.[1]
Jaman leutik
[édit | édit sumber]Ti leuleutik, Kiai Hasyim geus hirup di lingkungan Pesantren Gedang, pesantren tradisional nu jadi tempat diajar jeung ngaji para santri. Kulawargana téh lain ngan ukur ngurus pesantren, tapi ogé ngadegna sababaraha pesantren anu nepi ka ayeuna masih kénéh kasohor. Bapana, Kiai Asy’ari, nyaéta anu ngadegna Pesantren Keras di Jombang. Ari kakekna ti jalur indung, Kiai Utsman, kasohor minangka pendiri jeung pangasuh Pesantren Gedang, nu dina ahir abad ka-19 jadi daya tarik utama keur santri-santri ti sakuliah Jawa. Sedengkeun aki ndungna séjénna, Kiai Sihah, ogé kawentar minangka pendiri jeung pangasuh Pesantren Tambak Beras Jombang.[2]
Nalika umur kira-kira lima taun, Kiai Hasyim pindah ti Gedang ka desa Keras, nuturkeun kolotna anu keur ngawangun pesantren anyar. Di dinya anjeunna ngaliwatan mangsa budakna nepi umur 15 taun. Sanggeus éta, Kiai Hasyim milarian élmu ka loba pesantren séjén, anu kawentar dina zamanna, tuluy neruskeun diajar dugi ka Makkah pikeun ngadeudeul élmu agama leuwih jero.[2]
Merjuangkeun kamerdékaan
[édit | édit sumber]Hasyim Asy’ari miboga peran dina prosés perjuangan kamerdékaan Indonesia. Peran éta katempo tina ayana dialog jeung sababaraha tokoh, di antarana Sukarno jeung Bung Tomo, anu ménta pandangan ngeunaan hukum ngalawan kakawasaan kolonial. Tina prosés éta lahir patwa jihad fii sabilillah anu dikenal minangka Resolusi Jihad.[3]
Numutkeun katerangan KH. Said Aqil Siradj, Resolusi Jihad aya sanggeus Presiden Soekarno jeung Muhammad Hatta ngirim utusan ka Pesantren Tebuireng pikeun ménta KH. Hasyim Asy’ari sasarengan jeung para ulama séjén ngagerakkeun masarakat pikeun ngalawan NICA (Netherlands Indies Civil Administration). Pertempuran 10 Nopémber 1945 di Surabaya, anu ayeuna diperingati minangka Hari Pahlawan, lumangsung dumasar kana patwa éta salaku bentuk dorongan pikeun perlawanan.[4]
Rujukan
[édit | édit sumber]- ↑ Sugita, Nabila Meidy. "Biografi KH Hasyim Asy'ari". detikjatim (Dina basa Indonesia). Diaksés tanggal 2025-11-09.
- 1 2 "Biografi Lengkap KH. M. Hasyim Asy'ari". Tebuireng Online (Dina basa Indonesia). Diaksés tanggal 2025-11-09.
- ↑ Chimsah, Aida. "Hari Santri dan Sejarah Resolusi Jihad NU 22 Oktober". Diaksés tanggal 2025-11-09.[tumbu nonaktif]
- ↑ "Taman Edukasi Kebangsaan - Universitas Jember - KH Hasyim Asy'ari". tamankebangsaan.unej.ac.id (Dina basa Indonesia). Diaksés tanggal 2025-11-09.