Hompilah

Ti Wikipédia Sunda, énsiklopédi bébas
Loncat ke navigasi Loncat ke pencarian
Barudak keur hompilah

Hompilah nyaéta kawih paranti milang saméméh prung maén ucing-ucingan.[1] Aya di sababaraha tempat atawa wewengkon séjén mah disebutna téh eméng-eméngan.[2] Anu ngarawih téh bari seuseurian sakapeung mah sok bari heureuy, ulin barudak téa tara aya nu serius, malah ku teu seriusna éta jadi ciri ngaran budak.[1] Cara ngalakukeunana barudak ngariung bari namprakkeun jeung nangkubkeun dampal leungeunna tuluy ngawih babarengan, saha budak anu teu sarua hasil hompilahna aya nu nangkub dampal leungeunna saurang, atawa nu nangkarak dampal leungeunna saurang berarti éta budak nu éléh jeung eméng kudu ngudag budak séjén nu sarua hasil hompilahna, tuluy nalika barudak lalumpatan ogé teu kaci jauh-jauh teuing lumpatna, lamun jauh nepi ka kaluar tina galur lapangan atawa jauh ti buruan imah dianggap gugur atawa teu bisa miluan deui maén ucing-ucingan.[1] Tuluy nalika maén ucing-ucingannana bisana disawatara tempat séjén mah sok aya hukuman atawa balesan pikeun budak nu éléh ku cara di cabak atawa dikélékéték nepi ka seuseurian malah aya budak nepi ka ngaompolan manéh banget ku tuluy-tuluyan dikélékéték diriung ku budak séjénna nu teu éléh.[2] Kieu rakitan kawihna:

Hompilah hompimpah
Alaihum gambréng.[1][2]


Arjuna Wayang.jpg


Referensi[édit | édit sumber]

  1. a b c d Hidayat, Rachmat Taufiq, spk.2005.Peperenian Urang Sunda.Bandung:Kiblat
  2. a b c Kawih kaulinan barudak(diakses tanggal 03 Mei 2011)