Hui

Ti Wikipédia, énsiklopédia bébas basa Sunda
Luncat ka: pituduh, sungsi
Ubi jalar
Umbi yang siap diolah
Klasifikasi ilmiah
Kingdom: Plantae
Division: Magnoliophyta
Class: Magnoliopsida
Order: Solanales
Family: Convolvulaceae
Genus: Ipomoea
Species: I. batatas
Ngaran binomial
Ipomoea batatas
L.

Hui atawa sok disebut ogé boléd nya éta beubeutian nu ngandung karbohidrat anu luhung tur bisa dimangpaatkeun pikeun sumber kadaharan gaganti béas atawa jagong. [1] Para ahli botani jeung tatanén naksir wewengkon asal hui téh nya éta di Selandia Baru, Polinesia, sarta Amérika Tengah.[1] Nikolai Ivanovich Vavilov, ahli botani ti Sovyét, mastikeun wewengkon séntrum primér asal hui nya éta Amérika Tengah.[1] Hui mimiti sumebar ka sakuliah dunya, utamana nagara-nagara tropis dina abad ka-16.[1] Urang Spanyol nyebarkeun hui ka wewengkon Asia, utamana Filipina, Jepang, jeung Indonésia.[1]
Di sawatara wewengkon, hui mangrupa salah sahiji komoditi bahan kadaharan poko. [1]Hui téh salah sahiji komoditi kadaharan penting di Indonésia sarta dibudidayakeun ku masarakat ti wewengkon dataran handap nepi ka dataran luhur.[1] Ieu tutuwuhan bisa adaptasi di wewengkon anu kurang subur tur garing.[1] Ku kituna hui bisa ditarékahan sangkan bisa tumuwuh saban taun.[1] Hui bisa dikokolakeun jadi rupa-rupa produk olahan.[1] Daunna bisa dijadikeun lalab atawa parab ingon-ingon.[1] Watangna bisa dijadikeun bahan pelakeun atawa parab ingon-ingon.[1] Kulitna bisa dijadikeun parab ingon-ingon.[1] Beutina dijadikeun bahan kadaharan kucara dijieun kolek, kelepon, keremes, kiripik, bolu, selé, manisan, jeung réa-réa deui. [2]

Referensi[édit | sunting sumber]

  1. a b c d e f g h i j k l m Ubi Jalar (id) (Diakses ping 20 Oktober 2011)
  2. Dede Juanda, Bambang Cahyono. 2000. Ubi Jalar. Yogyakarta:Kanisius Hal. 13