Situ

Situ jieunan di Keukenhof, Walanda

Situ atawa talaga nyaéta kumpulan cai atawa cairan séjénna nu lumayan lega nu dilingkung ku daratan. Kalolobaan situ di dunya eusina cai tawar, sarta kalolobaannana ogé ngampar di beulahan bumi béh kalér dina latitude nu leuwih luhur. Dina ékologi lingkungan situ disebut lacustrine. Situ gedé kadang-kadang disebut "sagara di daratan" sarta sabalikna sagara leutik kadang-kadang ogé disebut situ. Istilah situ ogé digunakeun keur nerangkeun fitur saperti Situ Eyre, nu mangrupakeun léngkob garing salila sawatara waktu tapi satuluyna kaeusian cihujan dina usum hujan nu ngagebrét.

Loba ogé situ jieunan sarta diwangun keur PLTA, rékréasi, industri, tatanén, atawa keur nyadiakeun cai doméstik.

Asal-usul situ alam

Tina jihat géologis, umur situ téh lolobana mah kaitung ngora kénéh, sabab kaurugan ku prosés alami sarupaning érosi sahingga situna beuki lila beuki déét, atawa situna bedah.

Situ panglegana dumasar buana

Situ-situ panggedéna (lega pabeungeutannana) dumasar buana nyaéta:

• Afrika - Situ Victoria, ogé mangrupakeun situ cai tawar panglegana kadua di bumi. Situ ieu mangrupakeun salasahiji tina Situ Gedé di Afrika.
• Antartika - Situ Vostok (subglasial)
• Asia - Laut Kaspia, situ panggedéna di dunya.
• Australia - Situ Eyre
• Éropa - Situ Ladoga, terus Situ Onéga, duanana aya di kulon kalér Rusia.
• Amérika Kalér - Situ Superior
• Amérika Kidul - Lake Titicaca, nu mangrupakeun kumpulan cai pangluhurna di sakuliah dunya, 3.821 m luhureun cai laut.

Catetan: Situ Maracaibo bisa dianggep minangka situ panglegana di Amérika Kidul. Situ ieu ngampar sarua jeung luhurna cai sagara tur nuluy ka cai sagara, kusabab éta leuwih hadé disebut teluk.

Tumbu luar

• Lakes Database
• Lake Classification Systems
• UKLakes Database
• Midwest Lakes Policy Center
• Kashmir lakes