Observatorium Boscha

Observatorium Boscha, Lémbang, Bandung, Indonésia

Observatorium Bosscha mangrupa tempat peneropongan béntang pangheubeulna di Indonésia. Observatorium Bosscha diadegkeun tanggal 1 Januari 1923 ku Perhimpunan Bintang Hindia Belanda dina mangsa jajahan beheula. Observatorium ieu mimitina miboga tujuan pikeun ngamajukeun Élmu Astronomi di Hindia Belanda (Indonésia).

Observatorium ieu loba didanaan ku Karel Albert Rudolf Bosscha saurang tuan taneuh di kebon téh Malabar, observatorium ieu tempatna di Lémbang, sakitar 15 kilométer ti bagian kalér Dayeuh Bandung, Jawa Barat. Lega na sakitar genep hektar, jangkungna sakitar 1.300 méter. Tempat ieu dipaké pikeun ngimeutan béntang-béntang, planét-planét sarta barang-barang luar angkasa séjénna.

Observatorium pangalusna di Asia Tenggara ieu miboga lima teleskop géde, nya éta Téléskop Refraktor Dobel Zeiss, Téléskop Schmidt Bima Sakti, Téléskop Refraktor Bamberg, Téléskop Cassegrain GOTO jeung Téléskop Refraktor Unitron. Unggal téléskop ieu miboga fungsi na masing-masing saluyu jeung kaperluanana.

• Aya tilu jenis kunjungan anu disadiakeun ku Observatorium Bosscha, nya éta:

1. Beurang, nya éta pikeun nempo fasilitas observatorium, nempo sarta meunang pedaran ngeunaan teleskop jeung astronomi sacara umum.

2. Peuting, nya éta pikeun nempo fasilitas observatorium, meunang pedaran ngeunaan astronomi, sarta bisa nempo barang-barang luar angkasa, lamun cuacana cerah.

3. Peuting sarta kunjungan khusus, luyu jeung jadwal aktifitas panalungtikan di Boscha (misal ngimeutan samagaha bulan, atawa komét).

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.