Sora

Gambaran ngeunaan prosés ngadéngé (biru: gelombang sora; beureum: kendang ceuli; konéng: cochlea; héjo: sél panadah sora; bungur: spéktrum frékuénsi réspon pangrungu; oranyeu: impuls sarap.)

Sora hartina gangguan énergi mékanik nu ngarambat ngaliwatan zat salaku gelombang. Manusa nampa sora ku indera pangrungu.

Tina sora, sacara ilahar urang ngahartikeunana mangrupa geteran (vibrasi) nu ngarambat ngaliwatan udara sarta kadéngé ku manusa. Najan kitu, para élmuwan jeung insinyur mah migunakeun harti nu leuwih jembar, sahingga ngawengku geteran frékuénsi handap jeung luhur di udara nu teu bisa kadéngé, sarta geteran nu ngarambat ngaliwatan sagala bentuk zat, gas, cairan, jeung padetan. Zat nu bisa ngarambatkeun sora disebut média transmisi. Sora téh ngarambatna salaku gelombang nu tekenanana robah-robah.

Salaku gelombang, sora dicirikeun ku pasipatan gelombang nu ngawengku frékuénsi, panjang gelombang, periode, amplitude, jeung kacepetan sora. Widang nu ngulik sora disebut akustik.

Guruh (noise) jeung sora ngandung harti nu sarua, dibédakeun sotéh kusabab guruh mah mangrupa sora nu teu dipiharep. Dina élmu jeung rékayasa, guruh téh mangrupa komponén nu teu dipiharep nu ngaganggu sinyal. Guruh jeung sinyal ditangtukeun sacara subjéktip, gumantung ka jihat panilik urang.

Baca ogé

Akustik | Olah sinyal audio | Daur | Désibel | Pangaruh Doppler | Ého | Infrasound | Spiker | Mikropon | Musik | Guruh | Ponon | Fisika musik | Radiasi sora | Résonans | Solobong Rijke| Réfléksi | Lokalisasi sora | Réproduksi sora | Ultrasound | Gelombang |

Rujukan

• Olson, Harry F. (1957). "Acoustical Engineering". Dicutat ku Curtis Roads (2001). Microsound. MIT. ISBN 0-262-18215-7.
• Roederer, Juan C. 1979. Introduction to the Physics and Psychophysics of Music. (éd. ka-2). New York: Springer-Verlag.
• Charles Dodge and Thomas A. Jerse, "Computer Music". New York, Schirmer Books, 1997. ISBN 0-02-864682-7
• Grey, J. M. 1975. An Exploration of Musical Timbre. Disertasi doktoral. Universitas Stanford.

Tumbu kaluar

• HyperPhysics: Sound and Hearing
• Audio calculations and online acoustics conversion engine
• Sounds Amazing a learning resource for sound and waves
• Computation Provides a Virtual Recording of Auditory Signaling - PLoS Biol 2005.3(1).e26
• Hearing curves and on-line hearing test

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.