Cangkok

Cangkokan tangkal Céri anyar

Cangkok nya éta salah sahiji cara pikeun ngembangbiakeun tutuwuhan ku cara melak babagian catang na nu diusahakeun akaran heula, saméméh diteukteuk tuluy dipelak dina taneuh. Tuwuhan nu bisa dicangkok ngan ukur tutuwuhan dikotil jeung tuwuhan biji terbuka. Cara ngembangbiakeun ku cara nyangkok kawilang hadé, komo saupama dipake pikeun bungbuahan. Rasa jeung wangun buah nu dihasilkeun ku cara dicangkok mah biasana bakal sarua percis jeung indukna, béda jeung lamun dipelakna ku cara melak kawas biasana, nya éta melak maké sikina.

Pakakas nu Dipaké

Aya sababaraha pakakas anu kudu aya saupama urang édék nyangkok, nya éta:

1. Péso nu teu tihiangan
2. Taneuh hideung nu gembur
3. Plastik atawa tapas kalapa
4. Tali pelastik
5. Cai sacukupna
6. Ragaji

Léngkah-léngkah Nyangkok Tuwuhan

Dina nyangkok tuwuhan téh aya sababaraha léngkah nu kudu dilakonan sangkan hasilna bisa hadé kawas nu dipikahayang, nya éta:

1. Pilih catang tangkal nu geus kolot/ boga kambium (rambutan, jambu, buah, kadongdong,jsté) miboga diaméter kira-kira 2 cm.
2. Keureut babagian kulit catang kira-kira 10 cm, satuluyna antepkeun salila 10-15 menit atawa nepi ka getahna garing.
3. Sanggeus garing, campurkeun taneuh jeung cai sacukupna, tuluy diaduk nepi ka rata baseuhna (Tong baseuh teuing).
4. Kemudian tanah tersbut ditempelkan ke batang yang telah di kerat kulitnya dan dibungkus menggunakan plastik atau sabut kelapa.
5. Saméméh nalian pelastik atawa tapas kalapa, pastikeun catang tangkal nu geus disisit katutupan ku taneuh, sangkan catangna teu kakurangan cai. ::Satuluyna antepkeun salila 3-4 bulan, sarta sébor 3x saminggu.
6. Sanggeus 3-4 bulan, akar cangkokan bakal jadi, keureut ti belah handap cangkokan maké ragaji.
7. Keureut catang-catang laleutik jeung daun, kusabab bakal mangaruhan jeung bakal ngakibatkeun gerakan nu ngabalukarkeun sababaraha akar na paregat.
8. Buka bungkus cangkokan, kudu ati-ati sangkan akarna teu ruksak.
9. Tuluy pelak heula dina polybag nepi ka catang jeung daun-daun anyarna jaradi.
10. Sanggeus catang jeung daun anyar jadi, cangkokan geus siap dipelak langsung dina taneuh.