Gunung Kelud

Gunung Kelud
Luhur	1,731 meter (5,679 sukut)
Perenah	Jawa Timur, Indonesia
Koordinat	7.93° S 112.308° E
Tipe	Stratovolcano
Panungtungan bitu	1990

Gunung Kelud nyaeta hiji gunung seuneuan nu perenahna di pulo Jawa, Indonesia. Siga kalolobaan gunung seuneuan di Indonesia, Gunung Kelud kawentar ku gedena bitu salila sajarahna. Malahan mah, kiwari (2007) gunung ieu keur dina mangsa-mangsa tatahar rek bitu.

Dina9 Méi, 1919, bituna Gunung Kelud niwaskeun kurang leuwih 5,000 jiwa, kalolobaannana alatan aliran leutak nu disebut oge "lahar". Bitu satuluyna nyaeta taun 1951, 1966, jeung 1990 sakabehna niwaskeun 250 urang.

Bitu nu gede dina awal Pebruari 1990 ngahasilkeun kolom tephra nu luhurna 7 kilometer, raragragannana tephra sarta sababaraha kocoran piroklastis. Leuwih ti 30 urang tiwas. Nu digarawe masih keneh neruskeun ngali deposit kocoran piroskalstik nu panas keneh (90 - 400°C) nu luhurna tepikeun ka 25 meter nu ngubur sungut Kanal Ampera, di sisi beh kulon kidul kawah. Kanal ieu diwangun keur ngocorkeun situ kawah sanggeus bitu taun 1966 pikeun ngurangan bahya lahar.

Dina 16 Oktober, 2007, nu wenang di Indonesia nitah ngungsikeun 30,000 padumuk nu nganjrek di sabudeureun Kelud, sanggeusna elmuwan nempatkeun gunung seuneuan ieu dina hambalan peringetan pangluhurna, nu hartina diperkirakeun bakal tereh bitu.

Tempo oge

• Daptar gunung seuneuan di Indonésia

Rujukan

• Zen, M.T., and Hadikusumo, D. (1965) "The future danger of Mt. Kelut" Bulletin Volcanologique series 2, 28: pp. 275-282.
• Van Bemmelen, R.W. (1970) The geology of Indonesia, Vol. 1A, general geology of Indonesia and adjacent archipelagoes Martinus Nijhoff, The Hague, ISBN 90-247-1171-1
• Brand, E.W. (1984) "Landslides in Southeast Asia: a state-of-the-art report" In IV International Symposium on Landslides = IV Symposium international sur les glissements de terrains 1: pp. 17–59, Canadian Geotechnical Society, Toronto, OCLC 77114072