Alexander Fleming

Ti Wikipédia Sunda, énsiklopédi bébas
Alexander Fleming

Sir Alexander Fleming nyaéta jalma nu kasohor manggihan pénisilin (antibiotik pikeun ngalawan baktéri).[1] Lahir tanggal 6 Agustus 1881 di Lochfield Darvel Ayrshire Skotlandia.[2] Anak katilu ti opat sadudulur.[1]
Fleming sakola di Loudoun Moor School jeung Darvel School, tuluy salila dua taun sakola di Kilmarnock Academy.[1] Sanggeus gawé di kantor jasa salila opat taun, Fleming nu umurna 20 taun meunang warisan ti amangna.[1] Taun 1901 Alexander Fleming daptar ka Rumah Sakit St. Mary's, London.[2] Lima taun ti harita, Fleming asup ka departemen panalungtikan di St Mary salaku asistén bakteriologi Sir Almroth Wright.[2] Tuluy meunangkeun kualifikasi husus pikeun sakola deui dina taun 1906 kalawan pilihan jadi ahli bedah.[1] Taun 1928 Fleming nyokot tur nalungtik sampel jamur.[1] Sanggeus ditalungtik éta jamur téh asalna tina genus Penicillium.[1] Alatan éta obat nu diciptakeun ku Fleming disebut penicillin atawa pénisilin.[2] Fleming ogé nyindekkeun yén baktéri bisa ngamekarkeun résistansi jeung daya tahan kana pénisilin upama dosis pénisilin nu digunakeun minangka antibiotik saeutik tur dina waktu nu heureut.[1] Alatan pénisilin hésé dimekarkeun, Fleming peunggas harepan pikeun mekarkeunana.[1] Tuluy pénisilin dimekarkeun ku Howard Florey jeung Ernst Chain kalawan waragad ti pamaréntahan Amerika.[1]
Alexander Fleming meunang panglélér dina taun 1944.[2] Taun 1945 Fleming ogé dilélér Hadiah Nobél pikeun ubar-ubarna.[2] Alexander Fleming ngantunkeun dina tanggal 11 Maret 1955.[2] Dimakamkeun di Katedral St Paul.[2]

Referensi[édit | édit sumber]

  1. a b c d e f g h i j Alexander Fleming (Diakses tanggal 8 Nopember 2011) (id)
  2. a b c d e f g h alexander fleming (Diakses tanggal 8 Nopember 2011) (en)