Jambu Batu

Ti Wikipédia Sunda, énsiklopédi bébas
Jambu batu
Buah jambu batu
Klasifikasi ilmiah
Karajaan:
(unranked):
(unranked):
(unranked):
Ordo:
Kulawarga:
Subfamili:
Tribus:
Génus:
Spésiés:
P. guajava
Ngaran binomial
Psidium guajava
Kembang jambu batu

Jambu batu nyaéta jambu anu buahna baruleud keurna atah teuas jeung di jerona loba siki, sok disebut ogé jambu kulutuk.[1]

Mangpaat[édit | édit sumber]

  1. Pikeun ubar Diabetes Mellitus, cara nyieuna: siapkeun hiji buah jambu batu anu rada asak.[2] tuluy beulah jadi opat bagian.[2] Sanggeus kitu éta jambu téh dikulub ku saléter cai nepi ka asak, tuluy disaring diarah caina.[2] Di inum 2 kali sapoé, unggal isuk jeung soré.[2]
  2. Pikeun ubar Magh, cara nyieuna: siapkeun daun jambu batu anu seger.[2] Sanggeus kitu éta jambu téh dikulub ku 1,5 léter cai nepi ka asak, tuluy disaring diarah caina.[2] Di inum 3 kali sapoé, unggal isuk jeung soré.[2]
  3. Pikeun ubar nyeri beuteung (Diaré jeung Méncrét), cara nyieuna: siapkeun 5 daun jambu batu, akar, kulit jeung watang jambu batu.[2] Sanggeus kitu éta jambu téh dikulub ku 1,5 léter cai nepi ka asak, tuluy disaring diarah caina.[2] Di inum 2 kali sapoé, unggal isuk jeung soré.[2]
  4. Pikeun ubar nyeri beuteung atawa diaré pikeun orok anu masih kénéh nyusuan, cara nyieuna: siapkeun jambu batu anu ngora kénéh jeung ayah samahina.[2] Tuluy dicapék ku indung budak, caina diteleg sedengkeun ampasna dipiceun.[2]
  5. Pikeun ubar asup angin, cara nyieuna: siapkeun 10 lambar daun jambu batu anu ngora, hiji cabé beureum, 3 asem, sapotong gula kawung, jeung uyah sacukupna.[2] Sanggeus kitu éta bahan sakabéhna di godog ku saléter cai nepi ka asak, tuluy disaring diarah caina.[2] Di inum 2 kali sapoé.[2]
  6. Pikeun ubar bésér, cara nyieuna: siapkeun sakeupeul daun jambu batu anu ngora, 3 séndok bubuk béas anu disangrai.[2] Tuluy sakabéh bahan digodog ku 2,5 léter cai nepi ka jadi sagelas, tuluy disaring diarah caina.[2] Diinum 3 jam sakali 3 séndok dahar.[2]
  7. Pikeun ubar prolapsisani, cara nyieuna: siapkeun sakeupeul daun jambu batu, sapotong kulit watang jambu batu.[2] Tuluy sakabéhna digodog ku 2 gelas cai nepi ka asak, tuluy disaring diarah caina.[2] Cai éta dipaké ngomprés salaput lendir poros lendir usus (bujal) orok, cai aya dina kaayaan haneyut kénéh.[2]
  8. Pikeun ubar barusuh, cara nyieuna: siapkeun sakeupeul daun jambu batu, sapotong kulit watang jambu batu.[2] Sanggeus kitu éta jambu téh digodog ku 2 gelas cai nepi ka asak, tuluy disaring diarah caina.[2] Diinum 2 kali sapoé.[2]
  9. Pikeun ubar panyakit kulit, cara nyieuna: siapkeun sakeupeul daun jambu batu anu ngora, 7 kembang daun jambu batu.[2] Sanggeus kitudi beubeuk nepi ka lemes.[2] Cara pakéna balurkeun ka kulit anu nyeri.[2]
  10. Pikeun ubar raheut, cara nyieuna: siapkeun 3 pucuk daun jambu batu.[2] Tuluy digayem nepi ka lemes.[2] Sanggeus kitu tempelkeun ka nu raheutna sangkan teu ngaluarkeun getih.[2]

Kandungan Kimia[édit | édit sumber]

Jambu batu

Buah, daun jeung kulit watang tangkal jambu batu ngandung tanin, sedengkeun kembangna teu loba teuing kandungan taninna.[2] Daun jambu batu ogé miboga kandungan zat lain iwal tanin, saperti minyak atsiri, asam ursolat, asam psidiolat, asam kratogolat, asam oleanolat, asam guajaverin jeung vitamin.[2] Kandungan buah jambu batu (100 gr) Kalori, 49 kalori Vitamin A, 25 SI, Vitamin B1 0,02 mg, Vitamin C 87 mg, Kalsium 14 mg, Hidrat Arang 12,2 gram, Fosfor 28 mg, Besi 1,1 mg, Protein 0,9 mg, Lemak 0,3 gram, cir 86 gram.[2]

catetan[édit | édit sumber]

  1. Danadibrata,R.A.(2006).Kamus Basa Sunda.Bandung: Kiblat Buku Utama.
  2. a b c d e f g h i j k l m n o p q r s t u v w x y z aa ab ac ad ae af ag TANAMAN OBAT INDONESIA Archived 2011-08-28 di Wayback Machine (Dicutat tanggal 16 November 2011)