Kendang
 |
Artikel ieu teu boga rujukan sumber nu bisa dipercaya jadi eusina teu bisa divérifikasi. Pitulung ngabenerkeun artikel ieu kalawan nambihkeun rujukan nu bener. Artikel nu teu bisa divérifikasi bisa dihupus ku Kuncén. |
.jpg)
Kendang mangrupa alat musik membranopon anu dijieun tina kai jeung kulit.[1] [2] Luyu jeung ukurana, aya kendang gedé, kendang leutik, katipung, jeung katibung.
Bahanna[édit | édit sumber]
Bahan anu alus keur nyieun kendang biasana tina kai nangka. Tapi aya ogé anu maké tangkal buah, waru, atawa kalapa. Kaina dicopongan sarta dipasihan seuweu dina bagéan bem anu leuwih gedé ukuranna dibanding bagian kempyang. Tutup gendang biasana ngagunakeun kulit sapi, tapi aya ogé anu maké kulit embé atawa kulit munding. Kurawet atawa tali kendang biasana ogé maké kulit,tapi aya ogé anu maké tambang atawa kawat. Gendang Sunda kurawetnna leuwih loba palengpangna béda jeung kendang Jawa. Bahan keur nyangga gendang atawa kincir dijieun tina kai atawa beusi. Kurawet keur samparan tina kaén anu lemes. Gendang biasana dicet hideung atawa beureum, disirlak coklat, atawa dipernis.
Ukuran[édit | édit sumber]
Panjang gendang kira-kira 60–70 cm. Diaméterna dina bagén bem kira-kira 20 cm, tengahna 25 cm, jeung bagéan kempyangna 15 cm. Tapi bisa ogé dijieun leuwih gedé tina éta ukuran atawa leuwih leutik. Kendang anu leuwih gedé tina kendang Jaipong biasana dipaké bass atawa bedugna. Sedengkeun anu leuwih leutik jeung pondok dipaké katipung anu dijejerken deukeut bagéan bem. Katipung anu deukeut kempyang dipaké panepak.
Ngaranna[édit | édit sumber]
Dumasar kana ngaranna aya gendang Jaipong, gendang Degung, gendang batangan, katipung, panepak, jeung katibung anu digunakeun dina gendrum. Biasana saparangkat kendang jumlahna hiji kendang jeung dua katipung. Tapi aya ogé parangkat kendang anu lewih loba jumlahna sarta lengkep nadana. Contona kendang Jaipongan, biasana kendangna dua jeung katipungna genep.
Nabeuhna[édit | édit sumber]
Cara nabeuh kendang biasana maké panabeuh atawa dampal leungeun kénca dina bagian bem, katipung, katibung, jeung gendang jidur. Dampal leungeun katuhu keur nabeuh bagiéan kempyangna jeung panepak. Tatabeuh kendang biasana dijieun tina kai siga tatabeuh bedug tapi leuwih leutik jeung tungtungna maké karét buleud. Tapi aya ogé anu nyieun gagang tatabeuhna tina cempurit atawa fiber. Cara nabeuh kendang maké tatabeuh biasana dina tepak gendang Jaipongan, wayang golek, sarta utamana mah keur tepak gendrum.
Rujukan[édit | édit sumber]
- ↑ Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen.
- ↑ Waditra Kendang Archived 2011-11-28 di Wayback Machine
Tutumbu kaluar[édit | édit sumber]
|
Artikel ngeunaan musik ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |