Péstisida

Ti Wikipédia Sunda, énsiklopédi bébas
nyemprot pestisida

Pestisida nyaéta substansi kimia jeung bahan séjén sarta jasad renik ogé virus anu dipaké pikeun ngadalikeun sagala rupa hama.[1] Anu dimaksud hama di dieu téh pohara legana, nyaéta serangga, tungau, gulma, kasakit tutuwuhan anu disababkeun ku fungi (jamur), bakteria jeung virus, saterusna nematoda (bentukna kawas cacing nu miboga ukuran mikroskopis), kéong, beurit, manuk sarta sato séjén anu dianggap ngarugikeun.[1]

Sifat[édit | édit sumber]

Saban péstisida miboga sipat anu béda.[1] Sipat péstisida anu mindeng kapanggih nyaéta daya, toksisitas, rumus empiris, rumus bangun, formulasi, beurat molékul sarta titik didih.[1]

Cara Gawé Pestisida[édit | édit sumber]

Péstisida miboga cara gawé anu béda-béda.[1] Aya opat rupa cara gawé péstisida nyaéta nu kahiji péstisida kontak, hartina miboga daya maéhan sanggeus péstisida keuna kana awak hama.[1] Kadua, péstisida fumigan, hartina miboga daya maéhan sanggeus péstisida anu mangrupa uap atawa gas keuna kana awak hama.[1] Katilu, péstisida sistemik, hartina bisa disalurkeun kana sagala rupa bagian awak tutuwuhan ngaliwatan jaringan, hama bakal paéh lamun nyeuseup cairan anu aya dina tutuwuhan.[1] Pamungkas, péstisida lambung, hartina miboga daya maéhan sanggeus péstisida kadahar ku éta hama.[1]

Jenis Péstisida[édit | édit sumber]

Dumasar kana fungsi atawa sasaran pamakéanana, péstisida dibédakeun jadi 6 rupa, nyaéta inséktisida, fungisida, bakterisida, rodentisida, nematisida, jeung herbisida.[2]

Referensi[édit | édit sumber]

  1. a b c d e f g h i Pestisida (id) (Diakses ping 27 November 2011)
  2. Fungsi Pestisida Archived 2011-08-03 di Wayback Machine (id) (Diakses ping 27 November 2011)