Jaman Méiji
Jaman Méiji nyaéta jaman parobahan ti Kakaisaran Jepang. Mimitian ti 1868 ka 1912, harita kakaisaranna aya di handap Kakaisaran Kaisar Mutsuhito anu Agung. Anjeunna nyaéta panguasa kahiji Kakaisaran Jepang anu nyepeng kakuasaan politik anu saleresna salami berabad-abad. Salah sahiji parobahan anu paling nonjol di jaman ieu nyaéta panghapusan sistem kelas, anu nyebabkeun kasingkirna samuréi. Jaman Méiji dimimitian pas faksi panguasa daimyo ti Satsuma jeung Choshu ti tungtung kidul Kakaisaran Jepang ngahiji demi ngagulingkeun shogun Tokugawa. Usaha éta téh keur ngembalikeun kakuasaan politik ka Kaisar Jepang. Revolusi ieu téh disebut ogé Réstorasi Méiji. Jaman ieu nandaan akhirna sistem feodalisme Jepang jeung sapenuhna ngarobah réalitas kahirupan sosial, ekonomi, jeung militér.[1]
Parobahan Sosial Jaman Réstorasi Méiji
[édit | édit sumber]Sateuacan Era Meiji, Kakaisaran Jepang ngabogaan struktur sosial feodal jeung kelas samuréi di luhur. Saatos samuréi, tingkatan dihandapna nyaéta patani, pangrajin, padagang ti kelas panghandapna. Salami pamaréntahan Kaisar Méiji, status samuréi dipiceun. Sakabéh jalma Jepang bakal dianggap rahayat jalata, iwalti kulawargi Kakaisaran Jepang. Sacara teori, malah burakumin atanapi “teu katoél” ayeuna mah satara jeung sakabéh jalma Jepang. Tapi, tina praktékna mah diskriminasi téh masih aya kénéh.[1]
Parobahan ékonomi Jaman Réstorasi Méiji
[édit | édit sumber]Dina ékonomina, basa éta Jaman Méiji janten jaman anu ngamunculkeun révolusi industri di Jepang sanajan proses industrialisasi Jepang awalna ngalaman kagagalan dina ngajalankeunanna nu akhirna nimbulkeun kahariwangan ka masyarakat Jepang. Tapi nagara ieu kénging palajaran nu berharga tina kagagalan nyanghareupan teknologi ti luar nagara (Barat). Industri anu dimekarkeun keur macu tumuwuh ekonomi jeung kakuatan militer Jepang dengan ngalaksanakeun slogan fukoku kyohsi (nagara kaya militer kuat) jeung shokusan kogyo (nganingkatkeun produktivitas jeung ngagalakeun industrialisasi) dibedakeun janten dua kategori utami. Kahiji, industri sutera, kapas jeung pamintalan bola salaku industri anu diandalkeun keur macu tumuwuh ekonomi. Kadua, industri besi-baja jeung transportasi salaku industri strategis militer. [2]
Rujukan
[édit | édit sumber]- ↑ a b "Kehidupan di Era Meiji: Samurai Tak Lagi Berkuasa di Kekaisaran Jepang - Semua Halaman - National Geographic". nationalgeographic.grid.id (dalam Indonesian). Diakses tanggal 2025-02-22.
- ↑ Diana Kartika, Author. "Revolusi industri pada zaman Meiji". Universitas Indonesia Library (dalam en-US). Diakses tanggal 2025-02-22.