Jibrut

Jibrut nyaéta salah sahiji musik tradisional anu ngagunakeun kélék salaku alat utama jeung tos dikembangkeun ku para pagiat seni di Kacamatan Limbangan, Kabupatén Garut. Sacara istilah ngaran jibrut dicokot dina sora "brut" anu muncul tina kélék pas keur dimainkeun. Sora éta muncul tina sora dampal panangan nu nyentuh bagian kélék atawa cecekolan pas dilipet jeung dihimpit sahingga ngaluarkeun sora "brut".

Seni jibrut boga kamiripan jeng seni beatbox. Kasenian ieu ngafokuskeun diri dina ngahasilkeun sora-sora ritmis sapertos instrumén musik. Salian ti éta, kasenian jibrut juga bisa dikolaborasikeun jeng sora-sora nu kaluar tina biwir jeng keprok leungeun, Biasana, kasenian ieu dipaké salaku pangiring penca silat, pantun Sunda, atawa acara-acara ritual.

Kasenian langka ieu pernah diaprésiasi ku Menteri Pariwisata jeng Ekonomi Kreatif (Menparekraf) Sandiaga Uno pas ngahadiran kagiatan workshop di Garut nu ngangkat saorang pagiat seni jibrut di Limbangan.

Cara maén

Dina prosesna, seni jibrut biasa dimaénkeun ku dua orang nu dilengkapi ku sindén, tukang kendang, karinding, degung, jeng alat musik tradisional lainna. Pamain jibrut awalna bakal nyanyikeun hiji pantun atau kawih Sunda. Terus, manéhna bakal ngalipatkeun leungeun ka kélék nepi ngaluarkeun sora sesuai jeng ketukan lagu anu dimaénkeun. Saengges éta, sindén bakal ngawihkeun lagu nepi ka bérés jeung ditutup ku luconan atawa bodor ti para pamain.

Masyarakat Limbangan nganggap seni jibrut salaku anugrah ti Tuhan anu diturunkeun léwat nini moyang. Ku kituna, teu sambarang jelema nu tiasa ngamaénkeun kasenian ieu. Nepi ka ayena, acan aya katerangan atawa informasi anu pasti ti iraha kasenian ieu lahir di Garut.