Jumrah Wustha
| Jumrah Wustha | |
|---|---|
 Pilar Jumrah Wustha (tengah) di Mina | |
| Jinis | Wajib Haji |
| Lokasi | Mina, Saudi Arabia |
| Waktos | 11, 12, 13 Dzulhijjah |
| Jumlah Batu | 7 krikil per dinten |
| Urutan | Kadua (Tengah) |
| Rujukan Utama | HR. Muslim (1218) |
Jumrah Wustha (Basa Arab: الجمرة الوسطى) nyaéta pilar kadua atawa pilar tengah anu dibalédog ku jamaah haji dina ritual malédog jumrah di Mina.[1] Sacara basa, Wustha hartosna "pertengahan" atanapi "tengah".[2] Ritual ieu dilaksanakeun saatos jamaah bérés ngalémpar Jumrah Ula sarta sateuacan nuju ka Jumrah Aqabah.[3]
Dasar Hukum sarta Ayat Al-Qur'an
[édit | édit sumber]Malédog Jumrah Wustha mangrupikeun bagian tina paréntah ngalakukeun dzikir dina dinten-dinten anu parantos ditangtukeun.[4] Allah SWT ngandika dina Al-Qur'an:
"Sarta kudu dzikir ka Allah dina poé nu geus ditangtukeun (poé Tasyrik)..." (Surat Al-Baqarah: 203).[5]
Rasulullah SAW maparin conto yén unggal pilar jumrah, kalebet Jumrah Wustha, kedah dibalédog salaku bagian tina kasampurnaan ibadah haji.[6]
Tata Cara Ibadah
[édit | édit sumber]Dina ngalaksanakeunana, jamaah haji kedah merhatoskeun sababaraha katangtuan dumasar kana sunnah Nabi:[7]
- Runtuyan: Malédog Jumrah Wustha ngan sah upami dilakukeun saatos malédog Jumrah Ula.[3] Upami urutanna pahili, maka kedah dibalikan deui malédogna.[1]
- Jumlah Batu: Dibalédogkeun ku 7 siki krikil sacara silih turuy (hiji-hiji).[1]
- Takbir: Disunnahkeun maca takbir (Allahu Akbar) dina unggal balédogan krikilna.[6]
- Ngadu'a saatosna: Saatos bérés malédog Jumrah Wustha, jamaah disunnahkeun eureun sakedap, nyanghareup ka Kiblat, sarta ngadu'a kalayan lami bari ngangkat panangan utamina néda dibersihkeun haté tina sipat égo atanapi asa aing.[3] Hal ieu sami sareng anu dilakukeun saatos Jumrah Ula.[7]
Ma'na Spiritual
[édit | édit sumber]Malédog Jumrah Wustha ngalambangkeun perlawanan anu terus-terusan ngalawan gogoda sétan.[4] Upami Jumrah Ula nyaéta simbol perlawanan munggaran utamana kana sikep [[pamrih]] (miharep lian ti Allah), Jumrah Wustha mangrupikeun simbol kateguhan iman manusa nalika sétan nyobian ngagoda deui pikeun kadua kalina.[8] Ieu ritual ngajarkeun urang sangkan tetep waspada sarta ulah galider tina sagala rupa gogoda nafsu hususna égo/asa aing kawas [[korun]].[7]
Rujukan
[édit | édit sumber]- 1 2 3 Kamenterian Agama RI. (2023). Buku Panduan Manasik Haji. Jakarta.
- ↑ Kamus Istilah Haji & Umrah.
- 1 2 3 Hadits Riwayat Muslim Nomer 1218.
- 1 2 Tafsir Al-Azhar, Jilid 1, Penjelasan Surat Al-Baqarah.
- ↑ QS. Al-Baqarah ayat 203.
- 1 2 Hadits Riwayat Bukhari Nomer 1745.
- 1 2 3 As-Sayyid Sabiq. Fikih Sunnah. Jilid 1.
- ↑ Sajarah Tilu Jumrah, Kemenag.