Kakeyi
Kakeyi nyaéta salah sahiji pamajikan Prabu Dasarata, indung ti Barata, Satrugna, jeung Déwi Kanwaka.[1] Nya Déwi Kakeyi pisan nu ngalantarankeun Batara Rama dibuang katengah leuweung.[1] Demi riwayatna nyaéta, waktu Prabu Dasarata gering, Déwi kakeyi ngarawat kalawan pinuh kaasih ,tepi ka sang raja téh ngedalkeun boh bisi Déwi Kakeyi aya paménta, kalawan sarat pamentana ulah leuwih ti tilu paménta.[1] Hanjakalna, danget harita ku déwi Kakeyi tacan kacipta nanaon ngeunaan pamenta.[1] Tapi dina hiji mangsa waktu sang prabu rek ngajenengkeung Batara Rama jadi Raja, Déwi Kakeyi téh kakara ngédalkeun paménta nu tilu téa, kitu ogé bari jeung didongsokan ku para inangna.[1] Demi paménta nu tilu téh nyaéta Batara Rama ulah jadi dijenengkeun raja, Batara sangkan diangkat jadi raja di Ayodya, Batara Rama kudu dibuang ka leuweung salila 14 taun.[1] Saharita, Prabu Dasarata teu kinten ngaranjugna.