Kalori

Ti Wikipédia Sunda, énsiklopédi bébas

Kalori téh unit ukuran pikeun énérgi, asal tina basa Prancis anu diserep tina basa Latin kalor (panas). Najan sacara umum mah nu leuwih loba dipaké téh satuan joule, unit énérgi SI, kilokalori atawa Kalori ("C" kapital pikeun 'Calorie') tetep dipaké pikeun jumlah énérgi pangan. Istilah kalori munggaran dipaké ku Profésor Nicolas Clément taun 1824 dina bentuk kg-kalori, sarta mimiti asup kamus basa Prancis jeung Inggris taun 1842-1867.

Kalori teu kungsi jadi unit SI atawa métrik, sedengkeun dina harti anu modéren nujul ka tilu kelas:

  • kalori leutik (small calorie) atawa gram kalori, nyaéta énérgi anu dipikabutuh pikeun naékkeun hawa sagram cai sadarajat sélsius (1 °C), kira 4,184 joule.
  • kalori gedé (large calorie) atawa kilogram kalori, nyaéta énérgi anu dipikabutuh pikeun naékkeun hawa sakilo cai (1 kg) sadarajat (1 °C), kira 4,184 kJ, pas sarébu kali kalori leutik.