Karbon monoksida

Ti Wikipédia Sunda, énsiklopédi bébas

Karbon monoksida (rumus kimiana CO) nyaéta sanyawa kimia anu diwangun ku hiji atom karbon nu meungkeut hiji atom oksigén ku dua beungkeut kovalén jeung hiji beungkeut kovalén koordinat. Ieu gas nu tanpa warna, tanpa bau, jeung tanpa rasa téh mangrupa sanyawa karbon anorganik. Ieu sanyawa dihasilkeun tina durukan parsial sanyawaan nu ngandung karbon, utamana dina mesin durukan-internal. Mun diduruk sampurna, ieu sanyawaan bakal jadi karbon dioksida. Najan toksisitasna matak bahya, CO penting pisan pikeun téhnologi modéren salaku prékursor rupa-rupa produk.

Produksi[édit | édit sumber]

Ku penting-pentingna, kiwari geus aya rupa-rupa cara ngahasilkeun karbon monoksida[1].

Gas produsén dibentuk ku cara ngaduruk karbon dina oksigén dina suhu anu luhur. Dina oven, udara diasupkeun kana tumpukan batu bara. Hasil antarana nu mangrupa CO2 ngimbangan karbon panas leuwihna antukna jadi CO. Réaksi O2 jeung karbon nu ngahasilkeun CO katelahna kasatimbangan Boudouard. Dina suhu leuwih ti 800 °C, CO jadi produk dominan:

O2 + 2 C → 2 CO
ΔH = -221 kJ/mol

Rujukan[édit | édit sumber]

  1. Holleman, A. F.; Wiberg, E. "Inorganic Chemistry" Academic Press: San Diego. ISBN 0-12-352651-5.

Tumbu kaluar[édit | édit sumber]