Kim Ha-neul

Ti Wikipédia Sunda, énsiklopédi bébas
Loncat ke navigasi Loncat ke pencarian
Kim Ha-neul

Kim Ha-neul (gumelar di Seoul, Koréa Kidul, 21 Pébruari 1978; umur 41 taun) nyaéta saurang aktris Koréa Kidul.[1][2] Ha-neul mangrupa lulusan Institut Seni Seoul jurusan seni peran.[2] Ha-neul ngamimitian aktingna dina taun 1998.[rujukan?] Ha-neul maén dina pilem Bye June anu disutradaraan ku Choi Ho, dina pilem éta Ha-neul adu akting jeung Yoo Ji-tae.[1] Sabérésna proyék pilem éta, Kim Ha-neul jeung Yoo Ji-tae adu akting deui barengan dina pilem nu génréna sci-fi, judulna Ditto dina taun 2000.[1] Ha-neul ogé jadi pameran utama dina pilem My Tutor Friend anu dipedal dina taun 2003, sarta My Girlfriend Is An Agent anu dipedal dina taun 2009.[1] Lian ti maén pilem, Kim Ha-neul ogé meunang peran di sérial tipi.[1]

Salah sahiji sérial tipi anu dibéntanganna nyaéta Happy Together jeung Piano anu dipidangkeun di statsion tipi SBS.[1] Dina taun 2001, Kim Ha-neul adu peran keung So Ji-sub dina sérial drama anu dipidangkeun di MBC, Road No 1.[1] Sanggeus aktingna dina drama ieu, Kim Ha-neul meunang kontrak pikeun ngabéntangan hiji produk fashion di Koréa Kidul.[1] Kim Ha-neul kasohor ku peranna minangka awéwé umuran anu keur néangan cinta dina sérial drama, Gentleman Dignity.[1] Dina drama éta, Ha-neul adu akting jeung Jang Dong-gun anu peranna minangka kakasihna.[1] Ku kituna, Ha-neul meunang panghargaan dina ajang Blue Dragon Awards dina taun 2011.[1] Ha-neul ogé meunang panghargaan dina ajang Grand Bell Awards di taun yang 2011 pikeun peranna dina pilem Blind.[2][1]

Rujukan[édit | édit sumber]

  1. a b c d e f g h i j k l Kapanlagi.com, Kim Ha Neul Diaksés 2 Agustus 2015
  2. a b c Viki.com, Kim Ha Neul - 김하늘 - Viki Diaksés 2 Agustus 2015
Soekarno.jpg