Kota Tua Jakarta

Ti Wikipédia, énsiklopédia bébas
Luncat ka: pituduh, paluruh
Jakarta jaman baheula

Kota Tua Jakarta nyaéta objek wisata nu aya di Jakarta, Jakarta Kota.[1] Nu kawentar ku stasiun Beos.[1] Kota Tua Jakarta mangrupa saksi sajarah kota Jakarta.[2] Deukeut jeung Kantor Imigrasi Jakarta Barat, Musium Fatahillah, Musium Wayang, jeung sajabana.[1] Nalika di poé-poé libur sakola, loba nu datang ka tempat ieu, pikeun jalan-jalan, ulin ka musium, nepi ka fofotoan di wangunan heubeul Jaman Belanda.[1] Pikeun jalma nu resep naék sapéda, bisa nyéwa sapéda ontél ditambah ku topi khas noni jeung tuan Belanda.[1]

Sajarah[édit | édit sumber]

Bangunan Kota Tua di Jakarta

Musium Wayang[édit | édit sumber]

Musium Wayang mimitina dingaranan Geréja Lama Belanda (De Oude Hollandsche Kerk) diadegkeun taun 1640 M.[2] Di taun 1732 M, gedung ieu diréhab jeung diganti ngaran jadi Geréja Belanda Baru (De Nieuwe Hollandsche Kerk).[2] Tapi di taun 1808 M, aya gempa bumi nu ngakibatkeun gedung ieu hancur.[2] Tuluy di taun 1912, gedung ieu diadegkeun deui ku pamaréntah Hindia Belanda kahiji parusahaan Géo Wehry & Co sarta dijadikeun kantor nepi ka taun 1934.[2] Di taun 1936, gedung ieu dibeuli ku hiji Lembaga Ilmu Pengetahuan, Seni dan Budaya di Batavia milik pamaréntah Belanda.[2] Karék di taun 1957, gedung ieu dierahkeun ka Lembaga Kebudayaan Indonesia sacara resmi dijadikeun Musium Wayang tanggal 13 Agustus 1975.[2]

Kalibesar[édit | édit sumber]

Kalibesar mangrupa ngaran jalan di daérah Jakarta Utara.[2] Tempatna deukeut jeung Musium Sejarah Jakarta.[2] Di abad ka-17, Jalan Kalibesar kawentar salaku daérah puseurna bisnis perdagangan.[2] Jalan Kalibesar ieu biasa disebut Grootegracht nu hartina walungan nu gédé, ku lantaran di jalan ieu aya waungan di tengah-tengah jalan jeung wangunan.[2] Salian ti puseur bisnis perdagangan, di Jalan Kalibesar ogé aya imah-imah urang cina.[2] Di taun 1740, di Jalan Kalibesar aya hiji tawuran nu ngakibatkeun imah-imah masarakatna diduruk.[2]

Taun 1870, Jalan Kalibesar dibeneran deui.[2] Di Jalan Kalibesar aya wangunan dua tingkat nu warnana beureum.[2] Tah ayeuna mah wangunan éta disebut Toko Merah.[2] wangunan ieu kawentar ku lantaran pernah dicicingan ku sababaraha Gubernur Jenderal VOC.[2] Kiwari, wangunan ieu masih agréng tur dijadikeun perkantoran.[2]

Akses[édit | édit sumber]

1. Ti Grogol naek Kopaja 86 atawa Mikrolet M25, turun langsung di lokasi.[1]

2. Ti Kalideres naek Busway, Metromini 84, turun di lokasi.[1]

3. Ti Lebak Bulus naek Kopaja 86, Busway, turun di lokasi.[1]

4. Ti Blok M naek Busway, Bis Mayasari Bhakti Jurusan Blok M - Kota, turun di lokasi.[1]

5. Ti Kampung Rambutan naek Bis Patas 08, turun di lokasi.[1]


Nulis.jpg



Rujukan[édit | édit sumber]

  1. a b c d e f g h i j Kota Tua (Diakses tanggal 24 November 2011)
  2. a b c d e f g h i j k l m n o p q r Jakarta (Diakses tanggal 24 November 2011)