Lalay

Ti Wikipédia Sunda, énsiklopédi bébas
Lalay keur ngapung

Lalay nyaéta hiji-hijina mamalia hiber nu miboga sistem radar dina awakna.[1] Éta sistem radar gunana pikeun néangan jalan jeung kadaharan nalika peuting.[1] Sistem radar éta dikaluarkeun ngaliwatan sorana nu mancerkeun gelombang ultrasonik.[2] Éta gelombang sora mantul kana objék di sabudeureunana, nu ahirna balik deui tur katéwak ku ceuli éta lalay.[2] Ku lantaran kitu, lalay bisa moro dina kaayaan nu poék.[2]

Lalay béda jeung sato nu bisa ngapung séjénna, jangjang lalay mah tina kulitna nu aya dina ramo-ramona.[2] Lalay kaasup sato nu leutik.[1] Panjangna ngan saukur 7,5 cm tina irung nepi ka buntutna.[1] Tapi aya ogé anu leuwih gedé, sok disebut kalong, rubak jangjangna bisa nepi ka 1,5 m.[1]

Lalay ogé kaasup sato anu liar ti peuting, umumna sok cicing di jero guha atawa dina tatangkalan, sarta hirup sacara kelompok (ngabubuhan).[1]

Rujukan[édit | édit sumber]

  1. a b c d e f Winarti, dkk: "Dunia Mamalia" kaca 77. Jakarta: PT. Rosda Jayaputra
  2. a b c d Jhonson, J: "Intisari Ilmu Mamalia" kaca 14. Jakarta: Erlangga, 2005