Lini Bushehr 2013

Ti Wikipédia, énsiklopédia bébas
Loncat ke navigasi Loncat ke pencarian
Lini Bushehr 2013
Lini Bushehr 2013 is located in Iran
Lini Bushehr 2013
Tanggal 9 April 2013 (2013-04-09)
Wanci: 16:22 IRDT (UTC+04:30)
Kekuatan 6,3 Mw[1]
Jero: 10.0 km (6.2 mi)
Épiséntrum: 28°29′N 51°35′E / 28.48°N 51.58°E / 28.48; 51.58Koordinat: 28°29′N 51°35′E / 28.48°N 51.58°E / 28.48; 51.58
Nagara anu keuna Iran
Lini susulan: 32
Korban: 37 maot, 850 luka
Ruksakna imah lantaran lini, katingal ogé ténda ti Bulan Sapasi Beureum

Dina 9 April 2013, hiji lini skala 6,3 narajang Propinsi Bushehr, Iran, di deukeut kota Khvormuj, Kaki, jeung Shonbeh. Saeutikna 37 urang maot, kalobaannana di kota Shonbeh jeung désa di Distrik Shonbeh jeung Tasuj, sarta diperkirakeun 850 urang luka-luka.

Latar téktonik[édit | édit sumber]

Iran aya di wewengkon kompléks tubrukan antara Lémpéng Arab jeung Lémpéng Eurasia. Tingkat konvergénsi antara lémpéng-lémpéng éta di deukeut épiséntrum lini kira-kira 30 millimetres (1 in) per taun, nu mana sabagian aya dina sabuk tubrukan jeung lipetan Zagros. Lini ieu diakibatkeun ku patahan tina tubrukan ti pola patahan kalér-kulon—tenggara, saluyu jeung pergerakan Lémpéng Arab.[1]

Lini[édit | édit sumber]

Dina 16:22 IRDT (11:52 UTC) dina 9 April 2013, hiji lini skala 6,3 narajang basisir kidul-kulon Iran, di Propinsi Bushehr.[2][3] Lini ieu aya dina 10 kilometres (6.2 mi) jero taneuh, di deukeut kota Khvormuj jeung Kaki.[2] Sababaraha lini susulan lumangsung utamina nepi ka 1 jam sanggeus lini utama.[3][4] Lini susulan anu pangkiatna nepi ka skala 5,6.[5]

Wewengkon anu katarajang dieusian ku puluhan rébu urang di 50 désa.[3] Badan Géologi Amérika Sarikat (USGS) merkirakeun yén 80.000 urang ngarasaan oyag anu kiat samentara yutaan lianna ngarasaan geter saeutik.[3] Lini ieu karasa nepi ka sababaraha nagara di deukeut Teluk Pérsia, saperti Qatar, Bahrain, Arab Saudi, jeung Uni Émirat Arab.[2][3][6]

Dampak[édit | édit sumber]

Saeutikna 37 urang maot sarta diperkirakeun 850 lianna luka-luka lantaran lini ieu.[2] Kalobaanana korban maot aya di kota Shonbeh jeund désa di Distrik Shonbeh jeung Tasuj.[2] Ti korban luka, 100 urang butuh parawatan rumah sakit.[2]

Longsor anu disababkeun ku lini ieu dilaporkeun di Kaki.[7] Numutkeun Gubernur Propinsi Fereydun Hasanvand, 700 imah ruksak, mangaruhan kana padumukan pikeun 200 kulawarga.[3] Raloba warga di Distrik Shonbeh heunteu miboga aksés listrik jeung cai bérésih.[4] Warga ngeusian jalanan pikeun kaamanan sanggeus sababaraha lini susulan narajang.[3]

Numutkeun Hasanvand, PLTN Bushehr heunteu ngalaman karuksakan.[2] Pajabat pausahaan ngalaporkeun "Lini ieu heunteu mangaruhan kaayaan normal di réaktor, para patugas ngalajengkeun pagawéan saperti biasana sarta tingkat radiasi aya dina kaayaan normal."[2] PLTN éta diwangun sangkan tahan ti lini skala 8, numutkeun saurang pajabat.[4] Lini ieu lumangsung di Poé Téknologi Nuklir Nasional Iran.[8]

Di luar Iran[édit | édit sumber]

Sababaraha gedong dikosongkeun di Manama, Bahrain.[9] Di Dubai, Uni Émirat Arab (UÉA, wangunan ogé dikosongkeun, di antarana di TECOM (Badan Zona Bébas Média jeung Padagangan Téhnologi jeung Éléktronik Dubai).[10] Lini ieu ogé karasa di Abu Dhabi, UÉA, nyababkeun para warga kaluar ti wangunan-wangunan.[7] Di Dammam, Arab Saudi, warga kaluar ti wangunan-wangunan sanggeus geteran ti lini karasa.[6]

Sanggeus kajadian[édit | édit sumber]

Bulan Sapasi Beureum Iran ngintun 5 tim ka Propinsi Bushehr pikeun ngatur usaha panyalametan.[2] Sababaraha hélikopter ti propinsi lian nulungan pangangkutan pasokan barang bantuan.[2] 3 poé duka cita nasional diumumkeun dina 9 April.[4]

Tingali ogé[édit | édit sumber]

Wikimedia Commons logo
Wikimedia Commons mibanda média séjénna ngeunaan

Rujukan[édit | édit sumber]

Citakan:Earthquakes in 2013 Citakan:Earthquakes in Iran