Litsea odorifera
| Trawas | |
|---|---|
 | |
| Daun sarta struktur tangkal tina génus Litsea (Trawas) | |
| Klasifikasi ilmiah | |
| Karajaan: | |
| Subkingdom: | |
| Superdivisi: | |
| Divisi: | |
| Kelas: | |
| Subkelas: | |
| Ordo: | |
| Kulawarga: | |
| Génus: | |
| Spésiés: | L. odorifera |
| Ngaran binomial | |
| Litsea odorifera Valeton | |
Litsea odorifera; Trawas nyaéta tutuwuhan kai anu kaasup kana kulawarga Lauraceae. Ieu tutuwuhan kawéntar di tatar Sunda alatan daunna miboga ambeu seungit anu has sarta seukeut, ku kituna mindeng dimangpaatkeun boh pikeun ubar tradisional boh pikeun bahan campuran parfum alami.[1]
Nami Daérah
[édit | édit sumber]Salaku tutuwuhan anu sumebarna cukup lega, trawas miboga rupa-rupa nami vernakular di antarana:
- Sunda: Trawas, Ki trawas, Terawas.
- Jawa: Trawas, Terawas, Adas-adasan.
- Madura: Trawas.
- Melayu: Medang, Terawas.
- Inggris: Aromatic Litsea.
Sajarah Klasifikasi
[édit | édit sumber]Ngaran ilmiah Litsea odorifera sacara resmi dipublikasikeun ku ahli botani Walanda, Theodoric Valeton. Kulawarga Lauraceae ddimana trawas aya didinya mangrupa kulawarga anu sarua jeung kayu manis sarta alpukat, anu memang dipikawanoh miboga sanyawa aromatik anu kuat.[2]
Karakteristik Morfologi
[édit | édit sumber]Trawas miboga ciri fisik anu mandiri:
- Daun: Wangunna léncéng (lanceolate) nepi ka oval, téksturna kandel sarta heuras (coriaceous). Upami daunna dirameus, bakal ngaluarkeun ambeu seungit anu kacida seukeutna.
- Tangkal: Bisa tumuwuh janten tangkal badag anu jangkungna nepi ka 15-25 méter. Kaina miboga kualitas anu saé sarta miboga sipat awét.
- Kembang: Kembangna laleutik, ngumpul dina ranggeuyan (inflorescence), sarta warnana semu konéng atawa bodas.
- Buah: Buahna mangrupa buah batu (drupe) leutik bunder anu warnana bakal robah jadi poék nalika geus asak.[3]
Kagunaan salaku Ubar
[édit | édit sumber]Dumasar kana rujukan buku Tumbuhan Obat Sunda, trawas dimangpaatkeun pikeun: 1. Ubar Nyeri Beuteung: Cai kuluban daunna dipercaya bisa ngubaran mules sarta gangguan pencernaan. 2. Ngaronjatkeun Nafsu Tuang: Ambeu has tina daunna bisa dipaké pikeun nambihan napsu tuang. 3. Minyak Urut: Sari tina daun atawa kaina mindeng dicampurkeun kana minyak urut pikeun ngaleungitkeun rasa cangkeul sarta nyeri otot (rematik).[1]
Sebaran sarta Ékologi
[édit | édit sumber]Trawas mangrupa tutuwuhan asli ti wewengkon Malesia, utamana loba kapanggih di pulo Jawa, Sumatera, sarta Kalimantan. Ieu tutuwuhan biasana tumuwuh di leuweung pagunungan (montane forest) dina jangkungna 500 nepi ka 1.500 méter di luhur beungeut cai laut.
Tutumbu ka luar
[édit | édit sumber]Rujukan
[édit | édit sumber]- 1 2 Sudrajat, Jajat. (2015). Tumbuhan Obat Sunda. Bandung: Polper Press. Kaca 47.
- ↑ Plants of the World Online. Litsea odorifera Valeton. Kew Science. Diaksés tanggal 16 Pébruari 2026.
- ↑ Pusat Studi Biofarmaka Tropika IPB. (2014). Database Tanaman Obat IPB Archived 2026-02-02 di Wayback Machine. Bogor: IPB University. Diaksés tanggal 16 Pébruari 2026.