Magnolia grandiflora
| Magnolia grandiflora | |
|---|---|
| |
| Azaléa | |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Génus: | Magnolia
|
| Spésiés: | Magnolia grandiflora
|
| Ngaran binomial | |
| Magnolia grandiflora Linnaeus, Carl (1759)
| |
Magnolia grandiflora atawa Magnolia selatan nyaéta salah sahiji tangkal anu asalna tina kulawarga (Magnoliaceae), asli ti Amérika Sarikat bagian tenggara (Mississippi, Florida, Carolina Utara, Alabama, Louisiana, Téxas, Géorgia, Carolina Selatan). Tangkal ieu tumuwuh di daérah dataran rendah nepi ka pagunungan tropis jeung subtropi nu suhuna jarang turun di handap -9 °C atawa di luhur 38 °C, dina élévasi antara 60 nepi ka 150 mdpl.[1] Salah sahiji tangkalna tumuwuh di Kebon Raya Cibodas, Cianjur.
Ciri mandiri
[édit | édit sumber]Magnolia grandiflora miboga ciri-ciri tangkal jangkungna nepi ka 18-24 in (60-80 kaki), kalayan ukuran batang 15 cm.[2] Batangna tunggal kalayan panjang nepi ka 37 m. Warna kulit kai kulawu, pemukaanna kasar, kandel sarta mibanda alur dina lapisan anu kandel. Empulurna ngabogaan diafragma. Wangun daunna selang seling, henteu ngariombol siga lingkaran terminal; stipulana aya 2, misah, ukuranana 4,5-13 × 1,5-3,5 cm, bagian handapna warna coklat lemes siga sutra. Wangun helaian daunna menyempit siga élips atawa lonjong, mibanda ukuran kira-kira (7,5-)13-20(-26) × (4,5-)6-10(-12,5) cm, kalayan tékstur kandel siga kulit. Tangkal ieu ngahasilkeun kembang warna bodas anu pohara harumna, siga bau lemon, kalayan ukuran lega 15-30(-45) cm. Mekar antara bulan April nepi ka Juni, sarta buahna wangun kerucut anu asak ti bulan Séptémber nepi ka ahir usum gugur. [3]
Kagunaan
[édit | édit sumber]Magnolia grandiflora kaasup kana jenis pohon hias anu kasohor di sabudereun dunya. Kaina anu heuras ilahar dimangpaatkeun pikeun nyieun rupa-rupa furnitur, palét, jeung palapis. Sajaba ti éta, daun, buah, kulit kai, jeung kaina ngahasilkeun rupa-rupa ékstrak nu miboga poténsi pikeun dipaké dina pengobatan.[1] Numutkeun panalungtikan, kulit kai Magnolia grandiflora dipake ku Suku Choctaw dan Koasati pikeun obat kumur jeung obat ginjal.[3]
Rujukan
[édit | édit sumber]- ↑ a b Sonia Khela (Cave Invertebrate Specialist Group) (2007-04-02). "IUCN Red List of Threatened Species: Magnolia grandiflora". IUCN Red List of Threatened Species. https://www.iucnredlist.org/species/193948/2291865.
- ↑ "Magnolia grandiflora L". www.srs.fs.usda.gov. Diakses tanggal 2025-03-01.
- ↑ a b "Magnolia grandiflora in Flora of North America @ efloras.org". www.efloras.org. Diakses tanggal 2025-03-01.