Mark Hoppus

Ti Wikipédia Sunda, énsiklopédi bébas
Loncat ke navigasi Loncat ke pencarian
Mark Hoppus (2004)

Mark Allen Hoppus atawa anu kasohor Mark Hoppus nyaéta musisi Amerika Serikat anu ngabentuk grup musik pop punk Blink-182 jeung grup musik rock alternatip, +44[1]. Mark jadi bassis di éta dua grup musik[1][2]. Mark lahir i Ridgecest, Kalifornia tanggal 15 Maret 1972[1][2][3]. Mark boga anting dina neuhneur katuhuna jeung ceuli kéncana[3].

Nalika umur 15 taun, Mark meunang bass pertamana ti Bapana minangka hadiah milangkalana[1][2]. Mark diajar bass sacara otodidak[1]. Mark wanoh jeung Tom DeLonge ngaliwatan adina, Anne Hoppus dina taun 1993[1]. Taun 1992, Mark jeung Tom papanggih jeung Scott Raynor, terus maranéhna ngabentuk grup musik Blink-182[1]. Taun 1996, Scott anu keuna panyakit kaluar ti Blink-182 taun 1997, terus posisina digantikeun kuTravis Barker[1]. Mark nyaéta hiji-hijina personil anu henteu ditato jeung henteu resep nginum bir[3]. Mark nikah jeung Skye EVerly anu gawé di MTV[3].

Sabada Blink-182 vakum dina taun 2005, Mark, Travis ditambah Shane Gallagher jeung Craig Fairbaugh ngabentuk grup musik anyar anu dingaranan +44[1]. Mark anu resep ka grup musik Jimmy Eat World, Riverfenix jeung Get Up Kids ieu pernah digossipkeun maot alatan kacelakaan kapal udara, tapi Mark langsung nyanggah éta rumor ku cara nyieun status dina website grup musikna, I'm at home eating pancakes anu hartina Kuring keu dahar pancakes di Imah[2][3].

Référénsi[édit | édit sumber]

  1. a b c d e f g h i Profil Mark Hoppus-kapanlagi.com (diaksés tanggal 16 Nopémber 2011)
  2. a b c d (en)Trivia - Mark Hoppus (diaksés tanggal 16 Nopémber 2011)


Nulis.jpg