Maryam

Citakan:Large
مريم • מִרְיָם
Citakan:Large; مريم • מִרְיָם
	Kaligrafi Maryam binti 'Imran 'alaihas-salam
Pasaréan	Makam Bunda Maria; Lembah Kidron
Padumukan	Palestina
Gelar	Nabiah; 'alaihas-salam (keselamatan atasnya); al-A’dzra (parawan); at-Thahirah (anu suci); al-Qanitah (tuluy ibadah); al-Bathul (leuwih milih diri keur ibadah); as-Shiddiqah (ngabenerkeun kalimatullah); al-Abidah (getol ngalakonan ibadah);
Anak	Isa
Kulawarga	Zakariyya (paman); Yahya (sepupu);

Maryam (basa Arab: مريم, dibaca Maryam; basa Ibrani: מרים‎, Maryam; basa Inggris: Mary) téh hiji inohong anu disebut boh dina Al-Qur’an boh dina Alkitab. Dina ajaran Islam, dipercaya yén Maryam ngandung Nabi Isa ku sabab mujijat ti Alloh, dina kaayaan manéhna masih kénéh parawan jeung teu kungsi aya campur tangan lalaki. Maryam ieu dianggap sarua jeung Maria, indungna Isa Al Masih anu disebut dina Alkitab.^[1]

Maryam kaasup awéwé anu kacida dihormatna dina agama Islam. Manéhna hiji-hijina awéwé anu ngaranna disebut langsung dina Al-Qur’an, sarta ngaranna ogé dijadikeun judul salah sahiji surah. Nurutkeun riwayat hadits, Maryam kaasup kana opat awéwé anu panghadéna sapanjang mangsa.^[1]

Ngaran Maryam

Maryam atawa Mariam téh asalna tina wangun basa Aram tina ngaran Alkitabiah Miriam — nyaéta ngaran hiji nabi awéwé anu lanceukna Nabi Musa. Ngaran ieu husus dipaké pikeun nyebut Maria, indungna Isa Al Masih. Dina aksara Semit, ngaran ieu ditulis mrym (basa Ibrani: מרים, basa Aram Kakaisaran: ܡܪܝܡ, basa Arab: مريم) jeung bisa dibaca ku rupa-rupa cara, saperti Meriem, Miryam, Miriyam, Mirijam, Marium, Maryam, Mariyam, Marijam, Meryem, Merjeme, Myriem, jeung sajabana.^[2]^[3]

Ngaliwatan pamakéanana dina Perjanjian Anyar, ngaran ieu tuluy sumebar ka sakuliah dunya, utamana dina tradisi Katolik Roma, tapi ogé digunakeun ku umat Karésten Wétan, Protéstan, jeung Islam. Dina tradisi Karésten Latin, wangun basa Yunani Mariam dirobah jadi Maria dina basa Latin (anu saterusna jadi Marie dina basa Prancis jeung Mary dina basa Inggris). Wangun ngaran anu masih maké tungtung "-m" kénéh bisa kapanggih di Wétan Tengah, dina basa Arab, Arménia, Géorgia, Urdu, Pérsia, ogé di Afrika Bagian Tanduk saperti basa Amharik, Tigrinya, jeung Somalia, kitu deui dina basa Turki, sarta dina basa Malayalam di India kidul disebut Mariyam.

Référénsi

↑ ^a ^b MSc, Muhammad Abduh Tuasikal. "Mengenal Keluarga Imran (Ali Imran) dan Maryam binti Imran". Rumaysho.Com (Dina basa Inggris Amerika). Diaksés tanggal 2025-10-11.
↑ Internet Archive, Patrick (2006). A dictionary of first names. Oxford ; New York : Oxford University Press. ISBN 978-0-19-861060-1.
↑ Internet Archive, Janie (2008). Verse and virtuosity : the adaptation of Latin rhetoric in Old English poetry. Toronto ; Buffalo : University of Toronto Press. ISBN 978-0-8020-9157-4.

[:0-1] MSc, Muhammad Abduh Tuasikal. "Mengenal Keluarga Imran (Ali Imran) dan Maryam binti Imran". Rumaysho.Com (Dina basa Inggris Amerika). Diaksés tanggal 2025-10-11.

[2] Internet Archive, Patrick (2006). A dictionary of first names. Oxford ; New York : Oxford University Press. ISBN 978-0-19-861060-1.

[3] Internet Archive, Janie (2008). Verse and virtuosity : the adaptation of Latin rhetoric in Old English poetry. Toronto ; Buffalo : University of Toronto Press. ISBN 978-0-8020-9157-4.

[1]

[2]

[3]