Maudy Ayunda

Ti Wikipédia Sunda, énsiklopédi bébas
Maudy Ayunda
GumelarAyunda Faza Maudya
19 Désémber 1994 (1994-12-19) (yuswa 29)
Jakarta, Indonesia
KabangsaanIndonesia
Ngaran landianMaudy Ayunda
Alma materUniversitas Oxford
Universitas Stanford
PagawéanArtis, Penyanyi, Penulis,
Taun aktip2005 - ayeuna
Jangkungna165 cm
AgamaIslam
KolotnaMuren Murdjoko Jasmedi (indung)
Didit Jasmedi R. Irawan (bapa)
Situs web
www.maudyayunda.com

Ayunda Faza Maudya, B.A., M.A., M.B.A. (gumelar di Jakarta, Indonesia, 19 Désémber 1994; umur 29 taun) atawa nu leuwih kasohor ku ngaran Maudy Ayunda nyaéta artis, panyanyi, modél, aktivis, sareng panulis Indonésia.[1]

Anjeunna ngamimitian karirna dina film Untuk Rena nu dijieun ku Miles Films taun 2005. Salanjutna. anjeunna jadi pamain atawa artis dina sababaraha film nyéata Perahu Kertas (2012), Refrain (2013), jeung Habibie & Ainun 3 (2019).

Lamun dina musik, Maudy Ayunda nyieun album kahijina dina taun 2011 nu judulna Panggil Aku jeung single kasohorna Tiba-Tiba Cinta Datang.Ti saprak eta, Maudy tos nyieun tilu album nu judulna Panggil Aku (2011), Moments (2015), jeung Oxygen (2018), ditambah dua album mini nu judulna My Hidden Collection jeung The Hidden Tapes.

Kahirupan pribadi[édit | édit sumber]

Maudy Ayunda nyaéta putri Didit Jasmedi R. Irawan jeung Muren Murdjoko. [2] Anjeunna gaduh adi nu ngaranna Amanda Khairunnisa. [3] Maudy Ayunda resep maca ti leuleutik kénéh, manéhna diajar maca ti umur 3 taun. Maudy Ayunda sakola SD jeung SMP di Mentari Intercultural School. Saatos tamat, anjeunna ngalanjutken SMA di British School Jakarta. Sanggeus lulus ti SMA, Maudy Ayunda ditarima di Oxford University, Inggris. Anjeunna nyokot jurusan P.P.E (Pulitik, Filsafat, jeung Ékonomi). [4] Taun 2019, Maudy Ayunda ngarencanakeun piken menang gelar master. Anjeunna suksés ditampi di dua paguron luhur, nyaéta Universitas Harvard [5]sareng Universitas Stanford. Anjeunna mutuskeun pikeun asup ka Universitas Stanford sareng lulus taun 2021 kalayan gelar ganda dina bisnis (M.B.A.) sareng pendidikan (M.A.). [6] [7]

Aktivitas[édit | édit sumber]

Salian ti ngawangun karir di dunya hiburan, Maudy Ayunda ogé aktip dina dunya sosial, politik, jeung ékonomi Indonésia, hususna anu mangaruhan langsung kana kahirupan para nonoman. Dina 2015, anjeunna marengan Perdana Mentri Britania, David Cameron, pas datang ka Jakarta.[8]

Maudy Ayunda ogé ngiluan kampanye ngalawan perbudakan modern, nu ngawengku tanaga gawé paksa, kawin, jeung pagawean bahaya. Dina Maret 2017, anjeunna diangkat juru carios ngalawan perbudakan modern di Istana Wakil Présidén. Ngaliwatan karyana, anjeunna ngenalkeun ka fansna ngenaan realitas perbudakan modern sarta ngagunakeun platform média sosial pikeun ngapromosikeun gerakan éta. [9]

Teu éta hungkul, Maudy Ayunda nyaéta panyatur nu pang ngorana dina Forum Ékonomi Global 2015. Taun 2016, anjeunna dipilih ku Kementrian Pemberdayaan Perempuan dan Perlindungan Anak Republik Indonesia sebagai Wanita Inspiratif Indonesia. Anjeunna ogé meunang BUBU Awards salaku "Influencer Digital Terbaik" sareng "Milenial Paling Berpengaruh" ku Style Awards pikeun katerlibatan positifna dina média sosial sareng kolaborasi sareng CIMB Niaga dina gerakan "Kejar Mimpi". [10]Manéhna ogé kapilih dina Forbes Indonésia "30 Under 30" dina kategori Art, Syle, and Entertainment taun 2020 salaku aktris inspiratif. [11]

Filmografi[édit | édit sumber]

Taun Judul Peran Katerangan
2005 Untuk Rena Rena Pemeran Utama Wanita Terpilih di Festival Film Jakarta 2006
2009 Sang Pemimpi Zakiah Nurmala
2011 Rumah Tanpa Jendela Andini
Tendangan dari Langit Indah
2012 Malaikat Tanpa Sayap Mura
Perahu Kertas Kugy
Perahu Kertas 2
2013 Refrain Niki
2015 2014: Siapa di Atas Presiden Laras
Battle of Surabaya Yumna Pengisi suara
2017 Trinity, the Nekad Traveler Trinity
2019 Trinity Traveler
Habibie & Ainun 3 Ainun muda
2021 Losmen Bu Broto Jeng Sri

Pangajén[édit | édit sumber]

Ti mimiti mulai di dunya hiburan taun 2005, Maudy Ayunda geus meunang sababaraha panghargaan. Anjeunna junun dicalonkeun dina MTV Indonesia Movie Awards 2006 pikeun film kahijina, Untuk Rena. Manéhna ogé meunang katégori Aktris Utama Pilihan dina Festival Film Jakarta 2006 dina yuswa 11 taun, ngéléhkeun Cornelia Agatha (Detik Terakhir), Kinaryosih (Betina), Nirina Zubir (Heart), jeung Titi Kamal (Mendadak Dangdut). [12]

Maudy Ayunda mimiti ogé dicalonkeun dina Anugerah Musik Indonésia taun 2013 pikeun kategori Pendatang Baru Terbaik jeung Karya Produk Original Soundtrack Terbaik. [13] Dina taun anu sarua, manéhna ogé dinominasikeun pikeun kategori Artis Wanita Terbaik jeung Lagu Terbaik Indonésia di Anugerah Planet Muzik 2013. Ti taun 2013 nepi ka ayeuna, Maudy Ayunda geus meunang 13 nominasi Penghargaan Musik Indonésia tanpa hiji-hijina meunangna. Ti taun 2015, Maudy Ayunda ogé rutin dinominasikeun pikeun jadi Penyanyi Solo Wanita Terdahsyat di Dahsyatnya Awards. Taun 2015, Maudy Ayunda dinominasikeun pikeun kahiji kalina nu menang Indonesian Choices Awards keur katégori Female Singer of The Year. Taun salajengna, anjeunna dicalonkeun deui dina kategori anu sarua tapi éléh ku Isyana Sarasvati.[14]

Dina Pébruari 2020, ngaran Maudy Ayunda diasupkeun kana daptar tahunan Forbes Indonesia édisi 30 Under 30 (30 nonoman Indonésia anu unggul di handapeun umur 30) dina kategori Art, Style & Entertainment. Taun saterusna, anjeunna asup kana daptar Forbes Asia 30 Under 30 dina kategori Entertainment & Sport. Maudy Ayunda dianggap boga pangaruh sabab geus ngahasilkeun karya-karya anu suksés sarta ogé miboga perhatian anu gedé kana dunya atikan ku jalan jadi aktivis pendidikan. [15]

Sumber[édit | édit sumber]

  1. Setiawati, Indah (7 October 2012). "Maudy Ayunda: A girl of many talents". The Jakarta Post. Diakses tanggal 24 January 2018. 
  2. Bhisma, Mahardian Prawira. "Maudy Ayunda Setop Diberi Uang Saku di Usia 21". detikhot (dalam id-ID). Diakses tanggal 2022-03-19. 
  3. Puspasari, Desi. "Maudy Ayunda Candu Belajar, Beda dengan Adiknya yang Tak Kalah Menarik". detikhot (dalam id-ID). Diakses tanggal 2022-03-19. 
  4. Liputan6.com. "Maudy Ayunda Resmi Jadi Sarjana Universitas Oxford". liputan6.com (dalam Indonesian). Diakses tanggal 2022-03-19. 
  5. (dalam bahasa id) Universitas Harvard. 2022-01-16. https://id.wikipedia.org/w/index.php?title=Universitas_Harvard&oldid=19906245. 
  6. Media, Kompas Cyber. "Maudy Ayunda Ternyata Ambil 2 Jurusan Sekaligus di Universitas Stanford, Apa Saja?". KOMPAS.com (dalam Indonesian). Diakses tanggal 2022-03-19. 
  7. Media, Kompas Cyber. "Maudy Ayunda Lulus dari Stanford University". KOMPAS.com (dalam Indonesian). Diakses tanggal 2022-03-19. 
  8. Rabu, 29 Juli 2015 14:15 Penulis: Fitrah Ardiyanti. "Maudy Ayunda Selfie Bareng PM Inggris Saat Blusukan di Pasar". KapanLagi.com. Diakses tanggal 2022-03-19. 
  9. antaranews.com. "Maudy Ayunda melawan perbudakan modern". Antara News. Diakses tanggal 2022-03-19. 
  10. "Agnez Mo dan Maudy Ayunda Raih Lifestyle Awards di I Fashion Festival". SINDOnews.com (dalam id-ID). Diakses tanggal 2022-03-19. 
  11. Liputan6.com. "VIDEO: Maudy Ayunda Jadi Aktris Paling Inspirasional Versi Forbes Indonesia". liputan6.com (dalam Indonesian). Diakses tanggal 2022-03-19. 
  12. "Ini dia, Nominasi Festival Film Indonesia 2006". detikhot (dalam id-ID). Diakses tanggal 2022-03-19. 
  13. Tempo, T. Ini Daftar AMI Awards 2013 https://seleb.tempo.co/read/488272/ini-daftar-nominasi-ami-awards-2013. 
  14. Minggu, 29 Mei 2016 23:22 Penulis: Risang Sudrajad. "Selamat, Ini Daftar Pemenang Indonesian Choice Awards 2016". KapanLagi.com. Diakses tanggal 2022-03-19. 
  15. "Forbes 30 Under 30 Asia 2021: Entertainment & Sports". Forbes. Diakses tanggal 2022-03-19. 

Tumbu luar[édit | édit sumber]