Mode (musik)

Dina téori musik, istilah mode atawa modus dipaké dina sababaraha harti nu béda, gumantung kana konteks.

Istilah ieu dipaké paling umum paranti ngajelaskeun skala musik, cingcirining melodi, sareng harmoni anu khas. Mode téh dilarapkeun kana laras mayor jeung minor, anu ogé dilarapkeun kana tujuh mode diatonis (kaasub Ionian jeung Aeolian) anu dibédakeun ku nada pangmimitina dina laras, atawa nada genta/gentra goongna. Patali sareng mode diatonis, dalapan mode gereja, atanapi mode Gregorian, bentuk laras otentik sareng plagal dibédakeun ku ambitus sareng tenor atanapi nada babacaan. Sanajan duanana mode diatonis jeung Gregorian nginjeum paistilahan ti Yunani kuno, tonoi Yunani ieu téh teu disebutkeun sarua jeung nu dipaké abad panengahan/modernna.

Nada Mimiti Diatonis	Mode Modern Diatonis	Eusi Nada	Darajat Laras
1	Ionian/Mayor	1 2 3 4 5 6 7	1 2 3 4 5 6 7
2	Dorian	2 3 4 5 6 7 1	1 2 b3 4 5 6 b7
3	Phrygian	3 4 5 6 7 1 2	1 b2 b3 4 5 b6 b7
4	Lydian	4 5 6 7 1 2 3	1 2 3 #4 5 6 7
5	Mixolydian	5 6 7 1 2 3 4	1 2 3 4 5 6 b7
6	Aeolian/Minor	6 7 1 2 3 4 5	1 2 b3 4 5 b6 b7
7	Locrian	7 1 2 3 4 5 6	1 b2 b3 4 5 b6 b7

Saméméhna, dina Abad Panengahan istilah modus téh dipaké pikeun ngajelaskeun interval, nada dina laras, jeung wirahma. Wirahma modal mangrupikeun fitur penting tina sistem notasi modal sakola Notre-Dame dina abad ka-12. Dina notasi mensural anu muncul engké, modus nangtukeun subdivision tina longa.

Di luar musik klasik Barat, "mode" kadang dipaké pikeun konsép sarupa saperti octoechos, maqam, pathet jsb (tingali Citakan:Slink di handap).