Musieum Basoeki Abdullah
Musieum Basoeki Abdullah nyimpen rupa-rupa lukisan jeung koléksi pribadi ti Basoeki Abdullah, di antarana arca, topéng, wayang, jeung pakarang. Musieum ieu perenahna di Jakarta Kidul sarta dikokolakeun ku Musieum jeung Cagar Budaya dina naungan Departemen Kabudayaan Republik Indonesia.[1]
Sajaba ti dipaké pikeun paméran, musieum ieu ogé dipaké pikeun ngayakeun rupa-rupa kagiatan saperti seminar, panalungtikan, lokakarya, jeung medarkeun publikasi dina rupa katalog, biografi, kumpulan artikel, jeung hasil panalungtikan.[2] Sateuacanna, musieum ieu mangrupakeun bumi pribadi Basoeki Abdullah.[3]
Sajarah
[édit | édit sumber]Musieum Basoeki Abdullah diadegkeun dina tanggal 25 Séptémber 2001 jeung diresmikeun ku Menteri Kabudayaan jeung Pariwisata waktu harita, I Gedé Ardika. Musieum ieu dijieun nurutkeun wasiat ti Basoeki Abdullah, anu maot dina tanggal 5 Nopémber 1993. Dina wasiatna, Basoeki Abdullah miharep sangkan sakabéh lukisan, koléksi pribadi, barang seni, jeung tempat padumukanana disumbangkeun ka Pamaréntah Républik Indonésia.[1]
Dina taun 1998, imahna anu perenahna di Jalan Keuangan Raya No. 19, Cilandak Kulon, Jakarta Kidul, dipasrahkeun ka pamaréntah ngalangkungan Direktorat Jénderal Kabudayaan. Wangunan imah dua lanté nu miboga legana sakitar 600 m² jeung 450 m² ieu tuluy direnovasi pikeun dijadikeun musieum.[1]