Musieum Katédral
Musieum Katédral nyaéta musieum husus anu aya di bagéan balkon jero Gereja Katédral Jakarta anu biasana dianggo misa. Musieum ieu nyimpen kira-kira 400 koléksi benda-benda liturgi umat katolik di Indonésia. Sanajan musieum ieu aya di jero geréja, musieum ieu dibuka kanggo kalangan umum.[1]
_02.jpg)
Koléksi
[édit | édit sumber]Musieum ieu miboga wangun dua tingkat, anu dibagi jadi salapan rohang atawa zona.[2]
Zona mimiti, nyaéta Zona Ruang Penerima, eusina ngeunaan inohong Pastor Rudlphus Kurris nyaéta pangadeg Musieum Katédral sakaligus kepala paroki Gereja Katédral Jakarta anu mimiti. Di ruangan ieu, pangunjung bisa ningali titinggal anjeunna dina jero étalaseu, sarupa jubah sarta mesin tik.[2]
Zona kadua, nyaéta Zona Panorama Sejarah. Di ruangan ieu, pengunjung bisa nyaksikeun tontonan singkat salila 11 menit ngeunaan carita pangadegan geréja katolik sarta kumaha agama Katolik bisa asup dibawa ku misionaris ka Indonesia nepi ka jaman kauskupan poé ieu.[2]
Zona katilu, nyaéta Zona Gereja Bawah Tanah anu nyaritakeun zaman saacan aya pamingpin jamaat, anu ngabalukarkeun ayana ibadah susumputan ti VOC anu ngawasa di jaman éta anu ngabawa agama Protéstan. Perusahaan dagang Walanda éta téh ngalarang aya prakték ibadah agama Katolik di kabéh wewengkon kakuasaanna.[2]
Zona kaopat, nyaéta Zona Prefektorat, Vikariat, jeung Épiskopat anu nyartakeun foto-foto pamingpin tilu periode kasebut sarta kasang tukang kahirupanna.[2]
Zona kalima, nyaéta Zona Koléksi Katédral, anu nyaritakeun sacara husus pangwangunan Geréja Katédral Jakarta anu yuswana geus leuwih ti 120 taun, ngamimitian tinu sajarahna, buku baptis mimiti, sarta buku pemberkatan nikah mimiti.[2]
Référénsi
[édit | édit sumber]- ↑ Media, Kompas Cyber (2022-12-04). "Museum Katedral Jakarta, Ini Jam Buka dan Aturan Masuknya". KOMPAS.com (Dina basa Inggris). Diaksés tanggal 2025-06-08.
- ↑ a b c d e f Simangunsong, Wasti Samaria; Prasetya, Anggara Wikan. "Ratusan Koleksi Museum Katedral Jakarta, Ada Potongan Tulang". Ratusan Koleksi Museum Katedral Jakarta, Ada Potongan Tulang. Kompas.com. Diaksés tanggal 8 Juni 2025.