Musieum Nasional Sejarah Alam Indonesia
Museum Nasional Sejarah Alam Indonésia (Munasain) atawa anu baheula miboga ngaran Museum Étnobotani Indonesia nyaéta musieum anu aya di kota Bogor, anu nyimpen koléksi sarta pangaweruh ngeunaan tutuwuhan sarta étnografi di wewengkon Indonesia.[1] Alamat resmi musieum ieu aya di Jalan Ir. H. Juanda No. 22-24 RT02/RW 08, Paledang, Bogor Tengah, Kota Bogor.
Sajarah jeung Kasang Tukang
[édit | édit sumber]Musieum ieu mimiti diinisiasi taun 1962 Prof. Sarwono Prawirohardjo anu jaman éta ngajabat salaku Ketua Majelis Ilmu Pengetahuan Indonésia (anu tuluy jadi Lembaga Ilmu Pengetahuan Indonésia). Musieum ieu nyadiakeun informasi ngeunaan hasil risét étnobotani, mangrupa kabudayaan masarakat lokal nu aya di Indonesia, kaasup di antarana aktivitas manusa jeung lingkunganna.[2]
Taun 1973, Direktur Lembaga Biologi Nasional (anu ayeuna jadi Pusat Penelitian Biologi), ngadegkeun gagasan ngeunaan Musieum Étnobotani ku ngondang inohong permusieuman, ahli élmu sosial, antropologi, sarta panalungtik botani Indonésia.[2]
Taun 1982 nyarengan 165 taun Kebun Raya Bogor, musieum ieu diresmikeun ku Menteri Riset jeung Téknologi, Prof. Dr. B. J. Habibie.[2]
Koléksi
[édit | édit sumber]Anu jadi sorotan utama ti koléksi musieum ieu mangrupa benda-benda sarta informasi ngeunaan élmu étnobotani, nyaéta cabang élmu tutuwuhan anu diajar ngeunaan hubungan antara suku-suku asli hiji wewengkon sarta tutuwuhan anu aya di sabudeureunna. Tina aspék botani, élmu ieu bisa mantuan panentuan asal mula hiji tutuwuhan, pasebaranna, poténsi tutuwuhan sangkan sumber kabutuhan hirup, makna jeung harti tutuwuhan dina kabudayaan, sarta tanggapan masarakat ngeunaan hirupna éta tutuwuhan.[3]
Munasain miboga koléksi ngamimitian ti pakakas rumah tangga, bahan sandang, pangan, obat-obatan tradisional, rupa-rupa karajinan, alat musik, artéfak, sarta nu paling utama nyaéta rupa-rupa tutuwuhan. Koléksi di musieum ieu ditempatkeun dumasar daérah sarta jaman.[1]
Rujukan
[édit | édit sumber]- ↑ a b Adryamarthanino, Verelladevanka; Indriawati, Tri. "Museum Nasional Sejarah Alam Indonesia". Kompas.com. Diaksés tanggal 8 Juni 2025.
- ↑ a b c "Dari Museum Etnobotani ke Museum Nasional Sejarah Alam Indonesia". Dari Museum Etnobotani ke Museum Nasional Sejarah Alam Indonesia. Diaksés tanggal 8 Juni 2025.
- ↑ "museumindonesia.com - Museum Etnobotani Indonesia". www.museumindonesia.com. Diaksés tanggal 2025-06-08.