Musieum Pagadéan
Musieum Pagadéan nyaéta salah sahiji musieum anu aya di Kota Sukabumi, Jawa Kulon. Musieum ieu maparkeun sajarah jeung koléksi ngeunaan Pagadéan ti awal diadegkeun di taun 1901[1]. Musieum ieu jadi musieum hiji-hijina anu ngoléksi rupi-rupi sajarah jeung aktipitas gadé di Indonésia[2].
Sajarah
[édit | édit sumber]Dina mangsa pamaréntahan Hindia-Walanda, diadegkeun Bank van Leening di Sukabumi, anu mangrupa cabang Bank van Leening di Walanda. Bank ieu diadegkeun keur ngabantu para pagawé kebon di Sukabumi keur nginjeum duit ku cara ngagadékeun barang[1]. Kantor Bank van Leening ieu diadegkeun di taun 1901, anu janten lokasi kantor Pagadéan kahiji di Indonésia[3].
Dina tanggal 1 April 2010, Diréktur Utama Pagadéan, ngaresmikeun wangunan ieu jadi Musieum Pagadéan[4]. Musieum Pagadéan dirénovasi jeung dirévitalisasi di taun 2019, terus diresmikeun deui jadi ¨The New Museum Pegadaian"[1][5]. Peresmian Musieum Pagadéan ieu dihadiran ku Wakil Walikota Sukabumi jeung Komisaris Utama PT Pegadaian[3].
Eusi jeung Koléksi
[édit | édit sumber]Musieum Pagadéan ngabogaan tilu ruangan kalawan rupi-rupi koleksi, utamana anu pakait dina sajarah aktipitas gadé di Indonésia[2]. Koléksi saperti nota gadé, sapéda dinas, jeung bende atawa goong keur ngabéwarakeun kagiatan lélang di balai warga. Salian ti éta aya ogé alat-alat anu biasa dipaké keur aktipitas gadé di dieu. Koléksi nu aya di Musieum Pagadéan teu ngan sakur ti Pagadéan Sukabumi, aya ogé barang bersejarah lainna ti Pagadéan Jawa Kulon atawa Jawa Tengah[2].
Di ruang lainna, aya infografis badag anu ngajelaskeun sajarah Pagadéan ti mangsa Hindia-Walanda nepi ka ayeuna jadi BUMN. Sanggeus ayana rénovasi jeung révitalisasi musieum, Musieum Pagadéan ngabogaan layar interaktif dina témbok ¨The Golden Journey", anu midangkeun sajarah Pagadéan anu lengkep[1][2].
Rujukan
[édit | édit sumber]- ↑ a b c d Nurfadila, Yasmin. "Sukabumi Punya Museum Pegadaian Indonesia, Kekinian Banget". detikTravel (Dina basa Indonesia). Diaksés tanggal 2025-06-08.
- ↑ a b c d Khairunnisa, Syifa Nuri; Agmasari, Silvita. "Berkunjung ke Gedung Pegadaian Pertama di Indonesia, Berdiri Tahun 1901". Diaksés tanggal 08-06-2025.
- ↑ a b Kegiatan, Lokasi. "Museum Pegadaian di Sukabumi Resmi Di Revitalisasi" (Dina basa Indonesia). Diaksés tanggal 2025-06-08.
- ↑ "Museum Pegadaian Sukabumi: Cikal Bakal Pegadaian di Indonesia – Balai Pelestarian Cagar Budaya Banten" (Dina basa Inggris Amerika). Diaksés tanggal 2025-06-08.
- ↑ Irawan, Hendi; Yusuf Budi Prasetya, Santosa; Hidayat, Arief (September 2022). "Museum Gedung Pegadaian Sukabumi Sebagai Sarana Wisata Edukasi Sejarah". Artefak. 9 (Édisi 2). Diaksés tanggal https://jurnal.unigal.ac.id/artefak/article/view/8381. ;