Musieum Pos

Ti Wikipédia, énsiklopédia bébas
Loncat ke navigasi Loncat ke pencarian


Musieum Pos mangrupa musieum nu ayana di beulah katuhu Gedung Kantor Pusat PT Pos Indonésia di Jalan Cilaki 73. Wangunanna aya disisi beulah wétan Gedung Saté.[1][2]

Sajarah[édit | édit sumber]

Musieum Pos dibuka di taun 1931 kalawan ngaran Musieum Pos, Telegraf jeung Telepon (PTT). Nalika mimiti diadegkeun, sabagéan badag koleksina mangrupa perangko ti jero jeung luar nagara. Sanggeus kaayaanna kurang karawat salila Perang Dunia ka-II, ti 18 Desember 1980, koleksina ngusahakeun dilengkepan deui kalawan ngalakukeun inventarisasi jeung ngumpulkeun wanda-wanda sajarah nu kudu dijadikeun koleksi musieum.[2]

Tilu taun salajengna, musieum diistrénan Menparpostel di tanggal 27 September 1983, pas dina Poé Bhakti Postel ka-30. Nepi ka mangsa éta, muséum geus mibanda koleksi wanda-wanda jeung peralatan nu aya hubunganna jeung prosés sajarah pos ti mangsa ka mangsa, salila lima mangsa pamaréntahan. nyaéta ti mangsa Kumpeni jeung Bataafsche Republiek (1707-1803), mangsa pamaréntahan Daendels (1808-1811), mangsa pamaréntahan Inggris (1811-1816), mangsa pamaréntahan Hindia Walanda (1866-1942), mangsa Jepang (1942-1945) jeung mangsa Kamerdikaan.[2]
Ngaliwatan musieum éta bisa dipikanyaho yén salila mangsa kamerdikaan, Pos Indonésia sakurang-kurangna geus lima kali ganti ngaran jeung ganti lambang. Mimitina Jawatan PTT (1945-1961), tuluy jadi PN Postel (1962-1965), PN Pos dan Giro (1965-1978), Perum Pos jeung Giro (1978-1995) jeung dina 1995 jadi PT Pos Indonésia (Persero).[2]

Keur kamudahan pangunjung, materi koleksi dibagi dina tilu kelompok saluyu jeung sipatna. Kelompok Sejarah, Kelompok Filateli, jeung Kelompok Peralatan. Dina Kelompok Filateli, nu resep perangko bisa nempo gambar Sir Rowland Hill, tokoh panggagas pamakéan perangko keur ngalunasan béa pangiriman surat, sarta The Penny Black, perangko munggaran di dunya nu diterbitkeun di Inggris di taun 1840.[2]

Catetan[édit | édit sumber]

  1. Bemmelen, Reinout Willem .1949.The Geology of Indonesia.California: Govt. Print. Off.
  2. a b c d e Suganda, Her.2007.Jendela Bandung, Pengalaman Bersama Kompas.Jakarta: Penerbit Buku Kompas.
Nulis.jpg