Obrolan:Manglé (majalah)

Untitled

Iwan Muhammad R kingkilaban gunung mananggel Pesta Demokrasi

Mun rek enya boga karep nu sarua, naha bet pada-pada Mun rek enya mawa batin rahayat, naha bet ngamurah-mareh darajat Sagala diumbar carita : seja ngabebaskeun waragad sakola, Muka lapangan kerja, atawa ngangkat sora nu werit Tapi naha bet paraséa marebutkeun paisan tutung

Banner, baligho,spanduk jeung poster-poster ngarumekan kota Jalan-jalan leuseuh teu beda jeung runtah nu cenah urang kokolakeun Gang-gang pararoek heurin tetenjoan, tembok-tembokna jadi majalah dinding Naha bet ngolok-ngolok duit, geuning sakabéh éta téh teu beunang dipaké mungkus peda-peda acan, bororaah laku dijual atawa dipaké nyimbutan barudak nu tinggolepak di emper toko jeung lampu-lampu stopan Kahujanan, kapanasan pamustunganana digalaksak ku angin peuting Gudawang lebah tarang, gorowong genggerong Nu maké kopéah, nu maké tiung, nu maké kabaya, nu maké baju supermen Nu dipoto jeung monyet, nu jeung caleg artisna, nu api-api jadi seniman Nu api-api jadi kiyai, nu api-apai jadi olahragawan kabéh teu bisa ngalawan ninggang datang paceklik ka rahayat nu cenah rek diwakilan ku maranehanana.

Na ngarudag naon atuh, aya pesta demokrasi téh siga nu moro bagong Marawa anjing bari dibarajuan ku rupa-rupa gambar kabéh pada boga cita-cita, mawa visi jeung misi sewang-sewangan Hayang meunangkeun naon nu diudag Kawas barudak di lembur coko langlayangan, lumpat titatarajong bari panon tanggah Teu ditolih nu dihandap, teu ditempo nu tincak Teu paduli kebon batur ruksak, teu paduli rek cohcor katincak “Nu penting aing meunangkeun nu diudag” omong budak

“Kadarieu! Kadarieu! Yeu ubar hanaang. Pek contreng lebah irungan, atawa dadana, atawa dina ngaranna atawa dina gambarna! Pek gunakeun hak pilihna tong salah, milih luyu jeung hati nurani!” gorowok partai nu teu sacara langsung nitah milih manehna. Aya deui nu nyebutkeun rek bebela ka patani, ngaronjatkeun hasil tatanenna. Aya deui anu ngajangjikeun numpes kamiskinan jeung pengangguran Naha teu era disalindiran ku iklan roko? Majar beuki loba pilihen, beuki bingung milihna Atawa nu omat-omatan ulah katipu ku cau badag bisi dijerona cangkang hungkul!

Mun rek enya boga karep nu sarua, naha bet pada-pada Mun rek enya mawa batin rahayat, naha teu sauyunan baé dina nanjeurkeun cita-cita Ngawangun nagri nu waluya. Bandung, 22 Maret 2009