Ostéoporosis

Ti Wikipédia Sunda, énsiklopédi bébas
Ostéoporosis
Klasifikasi jeung sumber luar
ICD-10 M80.-M82.
ICD-9 733.0
DBPanyakit 9385
eMedicine med/1693  ped/1683
MeSH D010024

Ostéoporosis téh kasakit tulang mangrupa turunna dénsitas mineral tulang (bone mineral density, BMD), karuksakan mikroarsitéktur tulang, sarta robahna kandungan protéin non-kolagén. Tulang ostéoporotik luhur résiko rengatna. Ku WHO, ostéoporosis wanoja dihartikeun dénsitas mineral tulang 2,5 handapeun massa tulang puncak (rata-rata jalma walagri umur 20 taun nu sarua kelaminna) nu diukur ku absorpsimétri sinar-X énérgi ganda (DXA, Dual energy X-ray absorptiometry). Najan cara natambakeunana geus beuki maju (misalna maké bifosfonat), tetep waé mending disingkahan. ku sabab masalah hormonal, istri balangantrang leuwih loba katarajang ostéoporosis batan lalaki, komo mun ditambahan ku ngaroko. Asupan ubar kasakit kronis ogé kadang sok nambahan résiko katarajang ostéoporosis.

Patogenesis[édit | édit sumber]

Anu jadi kasang tukang ostéoporosis téh taya lian ti teu saimbangna antara formasi jeung résorpsi tulang.

Normalna[édit | édit sumber]

Kalawan maneuh, matriks tulang salawasna ngalaman rémodéling: formasi dijalankeun ku sél ostéoblast, sedengkeun résorpsi ku ostéoklast. Dua hal ieu dipangaruhan pisan ku faktor hormonal jeung nutrisi.

Sangkan bisa tumuwuh normal, tulang butuh kalsium jeung vitamin D. Hormon paratiroid ngatur komposisi mineral jero tulang. Hormon glukokortikoid ngaronjatkeun kagiatan ostéoklast, antukna tulang ngalaman résorpsi. Kalsitonin, éstrogén, jeung téstostéron ngaronjatkeun kagiatan ostéoblast, antukna tulang tumuwuh.

Baca ogé[édit | édit sumber]

Rujukan[édit | édit sumber]

  • Wikipédia édisi basa Inggris. Osteoporosis. Dicutat 19 Séptémber 2007.

Tumbu kaluar[édit | édit sumber]