Basisir Kuta

Ti Wikipédia Sunda, énsiklopédi bébas
(dialihkeun ti Pantai Kuta Bali)


Basisir Kuta Pasosoré

Basisir Kuta nyaéta salah sahiji basisir nu aya di pulo Bali perenahna di Kabupatén Badung.[1] Ieu basisir kacida éndahna.[2] Amparan basisir nu ngeplak bodas dipapaés ku panorama alam nu héjo ngemploh.[2] Cai laut nu canembrang hérang tur batu-batu karang nambahan kaéndahan ieu basisir.[2] Nepi ka jadi tempat wisata nu jadi pangjugjugan unggal jalma, boh jalma domestik boh jalma ti nagri deungeun.[2]
Kuta mimiti dipikawanoh nalika para padagang ti Denmark muka kantor cabang dagang di Bali.[1] Taun 1930 aya urang California Amerika nu datang ka ieu basisir tur ngarasa hélok kana panorama nu aya di Pantai Kuta.[1]
Kuta Béach Hotel mangrupa hotel munggaran nu diwangun di daérah ieu.[1] Kungsi tutup nalika tentara Jepang nyerang pulo Bali.[1] Taun 1960 loba turis Australia nu nyimpang ka Bali nalika lalampahan ka Eropa, ti saprak harita Kuta mimiti ramé deui ku wisatawan.[1] Di ieu basisir urang bisa ngalakukeun surfing, maén bal, maén langlayangan, jeung sajabana.[3]
Hotel-hotel nu aya di sabudeureun Pantai Kuta di antarana waé:

  1. Inna Kuta Beach Hotel
  2. Hard Rock Hotel
  3. Mercure Hotel
  4. Alam KulKul Boutique and Resort.[3]

Daérah Kuta kasohor minangka International City lantaran dijadikeun tempat panggihna wisatawan ti sakuliah dunya.[3] Aya sawatara fasilitas lainna nu disadiakeun di Pantai Kuta kayaning Waterbom Bali, Bali Slingshot jeung Bungy Jumping.[3]

Referensi[édit | édit sumber]

  1. a b c d e f Pantai Kuta Archived 2011-12-05 di Wayback Machine (Diakses tanggal 1 November 2011) (id)
  2. a b c d Kuta Bali (Diakses tanggal 1 November 2011) (id)
  3. a b c d Kuta (Diakses tanggal 1 November 2011) (id)