Paraseuneu
Paraseune
Paraseuneu nyaéta para/lalangit nu dijieun leuwih handap perenahna luhureun hawu. [1] Maksudna sangkan kahontal mangsa nyokot suluh, dipaké paranti nunda tur ngagaringkeun suluh sangkan garing/henteu besem, nunda hasil tatanén sangkan henteu babari buruk, sangu jeung deungeuna sangkan teu ku beurit, jeung sajabana.[1] Paraseuneu perenahna di dapur/pawon, dijieun luhureun hawu, jadi salawasna kahaneutan sarta karoris mun aya benerkeuneun atawa cokoteun.[2][3] Baheula mah nunda bako ogé sok di paraseuneu, ngarana diunun mimitina bako diasupkeun heula kana lodong, tuluy ditunda di paraseuneu.[4] Sakalina diludang, bako téh geus cepel.[4] Aduna kana padudan, nyerebeng heseupna angin-anginan, nya seungit nya banget.[4]
Wangunna paraseuneu kawas paranggong, ilaharna dijieun tina awi beunang meulahan.[5] Perenahna dijieun handapeun para imah sarta di saluhureun hawu.[5] Pikeun nyieun paraseuneu henteu sagawayah, kudu kutukangna sakalian mangsa keur ngadegkeun imah sangkan weweg.[5]
-
Suluh ditunda dina paraseuneu (luhureun hawu) -
Paraseune luhureun hawu
Dicutat tina[édit | édit sumber]
- ↑ a b Arsitektur Tradisional Daerah Jawa Barat. 1998.
- ↑ Isi dan kelengkapan rumah tangga tradisional menurut tujuan, fungsi dan kegunaan daerah Jawa Barat. 1986.
- ↑ Lolongok ka Baduj: kenging kekempel basa diparengkeun ka Baduy taun 1958. Universitas Michigan: Tarate. p. 32.
- ↑ a b c Cihaliwung nunjang ngidul. Universitas Michigan: Rahmat Cijulang. 1995. p. 18.
- ↑ a b c Sutarna, Sugiyarto Dakung, Ena (1986). Isi dan kelengkapan rumah tangga tradisional menurut tujuan, fungsi dan kegunaan daerah Jawa Barat. Universitas Michigan: Departemen Pendidikan dan Kebudayaan, Proyek Inventarisasi dan Dokumentasi Kebudayaan Daerah. pp. 81–83.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |