Pendopo Kabupatén Garut

Pendopo Kabupatén Garut nyaéta salah sahiji wangunan sajarah di Kabupatén Garut nu perenahna di Jalan Kiansantang, Kecamatan Garut Kota. Wangunan ieu geus aya leuwih ti 200 taun, ti saprak Kabupaten Limbangan dibentuk deui taun 1813. Lokasina deukeut jeung imah dinas Bupati, Masjid Agung, panjara, jeung alun-alun. Biasana, pendopo ieu dipaké pikeun rapat jeung nyanghareupan tamu nu datang ka Bupati. Kiwari, pendopo ogé bisa dipaké ku masarakat pikeun ngayakeun rupa-rupa acara.^[1]

Sajarah

Wangunan ieu geus aya leuwih ti 200 taun, ti saprak Kabupatén Limbangan dibentuk deui. Bentukna kentel ku gaya Éropa, ditandaan ku pilar-pilar kokoh. Taun 1813, Gubernur Jendral Walanda, Raffles, ngaluarkeun kaputusan pikeun ngabentuk deui Kabupatén Limbangan kalawan ibu kotana di Suci. Tapi, lantaran Suci dianggap kurang pantes, ibu kota dipindahkeun ka Garut. Saatos éta, diwangun sababaraha fasilitas saperti pendopo, alun-alun, mesjid, kantor asisten residen, jeung tempat tinggal pejabat.^[2]

Ti baheula, pendopo ieu geus dikunjungi ku loba inohong penting. Taun 1960, Présidén Ir. Soekarno sumping ka dieu pikeun masrahkeun panghargaan ka Garut minangka kota paling beresih. Dina taun 1800-an, Putra Mahkota Austria, Frans Ferdinand, jeung Tsar Rusia panungtungan, Nicholas II, ogé geus datang ka pendopo basa maranéhna wisata jeung moro di Gunung Cikuray.^[1]

Rujukan

↑ ^a ^b Ghani, Hakim. "Menelisik Sejarah Pendopo Garut yang Pernah Disambangi Raja Rusia". detikjabar (Dina basa Indonesia). Diaksés tanggal 2025-02-09.^{[tumbu nonaktif]}
↑ Infogarut. "Profil dan Sejarah Pendopo Garut dari Masa ke Masa". infogarut.id (Dina basa Indonesia). Diaksés tanggal 2025-02-09.

[:0-1] Ghani, Hakim. "Menelisik Sejarah Pendopo Garut yang Pernah Disambangi Raja Rusia". detikjabar (Dina basa Indonesia). Diaksés tanggal 2025-02-09.^{[tumbu nonaktif]}

[2] Infogarut. "Profil dan Sejarah Pendopo Garut dari Masa ke Masa". infogarut.id (Dina basa Indonesia). Diaksés tanggal 2025-02-09.

[1]

[2]